الصداقة مابين البنت والولد

السلام عليكم ورحمة الله وبركاته

الصداقة مابين البنت والولد

عن ظاهرة الصداقة المنتشرة مابين البنات والشباب
في بنات وولاد بيعملو كده
للبنت.. من قلة البنات تبقى صديقتك (ولد)
للولد.. من قلة الولاد يبقى صديقك (بنت)

الىالبنات..

حبايبى ازاى بتقدروا تكلموا ولاد فى التليفون .. مبتحسوش ولو للحظة انكوا بتعملوا حاجه غلط.. ايوه اكيد عارفين انه حاجه غلط .. لانكوا مش بس بتكلموا ولاد فى التليفون ده انتوا كمان اول مابتحسوا ان بابا او ماما او اخوكى او اختك قريبين منك بتكلميه كأنه بنت .. يعنى بتكدبى على أهلك.. بالاضافه لكده فواتير التليفون اللى بتيجى مرتفعة مش بتحسى بالذنب لانها من كلامك مع ولد مش واحده صاحبتك..

ممكن تقوليلى احنا بنتكلم كلام عادى ..
فهقلك وليه متتصليش بصاحبتك بدل ماتتصلى (بصاحبك) مش كله كلام
هتقوليلى مش عارفه ليه بيحصل ده بس بحس براحه اكتر وانا بتكلم معاه فبفضله على صحباتى
فهقلك اكيد طبعا هتحسى براحه لان الشيطان موجود.. امال هو لازمته ايه .. ده يبقى فشل فى مهمته لو ماخلاكيش تفضلى صاحبك على صاحبتك
ياترى هتسيبى الشيطان هو اللى ينتصر ولا هتنصرى حبك لربنا وأّمانتك مع أهلك
..لكى الاختيار..

لكن اسمحى لنفسك انك تفكرى ولو دقيقه واسألى نفسك (هل انا راضية عن نفسى وانا بكلم ولد؟؟)
( ياترى ربنا راضى عنى وانا بكلم ولد ولا مش راضى وزعلان منى) جاوبى على الأسئلة دى بصراحه
لازم تجاوبى دلوقتى.. قبل ماتتسألى من الملكين فى القبر ومن ربنا يوم القيامة..

وسيبك من البنات اللى حسسوكى انها حاجه عادية لان زى مافى كتير بيكلموا ولاد فى الاكتر منهم مش بيكلموا ولاد

الى الشباب

انتوا بتستفادوا ايه لما بتكلموا بنت فى التليفون ولما بتخرجوا مع بنت؟؟؟
لو كانت البنت دى اختكوا كنتوا هترضوا ده ليها
هتقوليلى احنا اخواتنا البنات مايعملوش كده اصلا
فأنا هقول ليكو حديث للرسول صلى الله عليه وسلم(حب لأخيك ماتحبه لنفسك) مادمتوا انتوا مابتحبوش يحصل ده لاخواتكوا وماترضوش بيه ليهم يبقى فى نفس الوقت ماترضوش بيه لبنات الناس واعتبروهم اخواتكم

ممكن فعلا الاقى شباب بيقول عادى وفيها ايه لما اكلم بنت ومافيهاش حاجه لما اختى تكلم ولد
بصراحه لو كان فى شباب كده يبقى ونعم الرجوله.. ولاتعليق

لا تعليق!!!!

.. بجد نايس توبيك وعندك حق فى كل الى قولته .. تقبل مرورى الصداقة مابين البنت والولد 934111

بجد حلو اوى الموضوع وفى ناس بتعمل كده وناس لا بس ميرسى لنصحتك ياجميل

اولا مشكور يا بوب على الشغل الجامد ده
ثانيا : الكلام الى قولته ده كله جميل جدا و لو حسبتها هيطلع كلامك صح 100%
لكن هل انت شايف ان فى حد فى الوقت الحالى هيقتنع i dont think that !
او ممكن يشوف يقراء لكن هتنفض او هينفض
وفى الى بيقتنع بذالك بس للاسف ممكن يكونو 1%
وشكرا لثانى مره على الموضوع الجميل ده

الصداقه معناها كبير ولا تفرق بين بنت وولد

اهم حاجه تكون صداقه صادقه بين الاثنين

انا مش موافق على كلامك لانممكن تكون فى صداقه بين الولد والبنت عادى ودى حاجه طبيعيه لو هما مش بيعملوا حاجه غلط ومتخليش الامور تبقى معقده اوى خليك بسيط

الكود:

شكرا جدا على موضوعك بس فى حاجة اسمها ناس اصحابك من ساعة مفتحت عنيك على الدنيا

مينفعش نبعد عنهم وهو مش صاحبى وبس دا اخويا ويخاف عليا اكتر من نفسه رغم انى اخته بس

يعنى مش حبيبته لو هتفهم كده احنا اخوات واصحاب وكمان مينفعش ابعد عنه ولا العكس

ولا هو يقدر وبكلمه قدام كل الناس اهلى واخواتى

لكن حكاية اكلم ولد علشان حب وكلام فاضى ده ملوش لازمه واللى عايز واحدة يروح يخطبها وبعدين يبقى يتكلم

شكرا عالتوبيك
بس انا رايي من راي عمراحمد
ولازم تكون صادقه بينهم

الموضوع حلو اوى بس بالصراحة انا مع كلام بسملة

السلام عليكم.........
انا معاك في كل الكلام اللي بتقولوا....الا حاجه......
افضل اني احكي مع واحد صديق على اني احكي لوحده بنت.....انا شخصيا اعرف بنات كتير....بس كلهم مبثقش فيهم لان البنات كلها بتغير من بعضها

ميرسى ليك على موضوعك الجميل دة
بس الصداقة احلى حاجة فى الدنيا بس لما تكون صداقة بجد
ومتفرقش بين ولد او بنت طالما صداقة بجد
ميرسى على نصيحتك
شكراااااااااااااااااا

اشطه يا حوده
تسلم ايدك

طبعأ شكرا ع الموضوع وح ـقأ اعجبنى رد بسملة الجنة

» ازاى تخلى البنت تضحك.........
» العب الضاع على البنت الكذابة
» كلام يخلي البنت تموت فيك
» الفرق بين موبايل البنت وموبايل الولد!!!!!!!!!؟؟
» اتعرف على البنت من شفايفها والله انا مش حارمكوا من حاجه