شباب النهارده على استعداد انهم يحبو بجد ؟.؟.؟.؟؟؟.

شباب اليوم
اكيد شباب بيحب
شباب أبيض وزى الفل
بس ياترى كل الشباب دول يقدروا يعملوا ايه علشان يثبت حبه
ياترى فعلا بيحب من قلبه ولا ده كلام من وراء قلبه
عشان تقول بحب يبقى موش تضحك على قلبى وتضحك وتقول وتدارى وتخبى
انا كنت ممكن أكتب واقول كلام فى الحب والرومانسيه
بس لقيت واجب علىّ انى أفضفض معاكم شوية

اولا انا مبفرضش أسلوبى ورأى الخاص على حد بس شايف ان كل واحد فينا بجد جواه حاجات جميله ممكن تخلينا عايشين أجمل أيام حياتنا

ثانيا : انا مبطلبش حاجه مستحيله ولاطالب منك ولامنها أننا نعيش ايام الحب القديم ونسمع أفلام واغانى زمن الابيض والاسود
بالعكس لازم نعيش واقعنا لازم نكون قدها نلون حياتنا
خليك قد نفسك خليك جرىء ماتقولش بحب وانت موش قده ماتقولش مبحبش وانت من جواك عاشق

الحب قولنا من زمان انه مشوار بس ياترى المشوار ده طريقه منين
أقولك انا طريق الحب من الاخر هو طريق النور
خليك ماشى وعارف ان هيجي يوم لااما توصل لااما تفضل واقف مكانك
موش ترسم أحلام وهميه خليك عايش الحقايق
لو قلنا هنحلم خليك قد حلمك وحاول تحقق حلمك كل يوم
لما تيجى وتقابل مطب ياريت تفكر هتعدى منه أزاى بص قدامك وبص وراك
احسب كل خطوه هتمشيها واعرف قد مامشيت لسه برضه هتمشى قدها وأكتر
المشوار ده صعب بس أحلى مشوار لاانه مع الانسان الى أختاره قلبك الى أخترته يشاركك حياتك
أيام زمان سمعنا عن (سى السيد ) وكنا مستغرين لما بنشوفه فى الافلام بس بجد صدقونى ده أحلى قصص الحب
مين ياترى (سى السيد ) دلوقتى وياترى مين هى زوجة سى السيد
انا بتكلم من الاخر بشكل عام عن مثل (أمى ) دايما كانت بتردده وكان بيبقى موجه ليا وتقولى يحيى ياابنى
الست الى بجد هى الى ترضى تعمل ليك أى حاجه تخليك راجل ونفس الوقت انت تعمل علشانها أى حاجه تخليها ست
ياترى فهمتوا قصدى ايه من الى بيتقال ده
المفيد كله انك لازم تختار واحده ست بجد بمعنى الكلمة لما قلبك يختار ويحب تشوف ياترى هى تستاهل حبك ياترى هتحافظ على شخصيتك ياترى هى عايزاك جنبها راجل بمعنى الكلمة ولا لاء
ونفس الكلام بوجه لكل البنات ياريت كل واحده تتعلق بحد تفكر الف مره ياترى ده هيحافظ عليها وهى معاه ياترى هيقدر يديها كل الحنان الى هى مستنياه ياترى هيحافظ على كلمة مرأة هى بتحملها

كل الكلام ده هيخلينى أقول شوية أسئلة وهحط أجابات عليها وتقدروا تشاركونى بالاجابات أو حاول تسأل وتجاوب وانت قاعد مع نفسك :

ياترى انت قد حبك ولا لاء ؟
شايف نفسك فعلا راجل ؟
شايفه نفسك فعلا ست ؟
لو بتحب ياترى انت بتحب ليه ؟
ايه آخرة حبك ؟
--------------------

ده سؤال أول وده أجابته :

لو انت قد حبك هتقدر تعمل المستحيل عشان تكمل حبك بس ارجع وأقولك موش حاجه هتعملها تبقى دليل واثبات لحبك ياما بنعمل حاجات كتيره غلط بتبقى ضدك واحيانا بنعيش مخدوعين فى الى بنحبهم الحب موش كده
فكر الاول فى البيت الى عشت فيه طول حياتك خلى والدتك هى عنوان قلبك حاول تسمع كلامها فى كل حاجه حتى كلام الحب
انا لما قولت أمى اكتر من مره فى الموضوع ده عن أقتناع بسر كلمات أمى
الام عندما ترضى على من تحبها فأعلم انها من نصيبك ولو انت بتحب بجد فعلا هتقر تصارح امك بحبك

سؤال تانى وتالت وده اجابته:

ياترى انت راجل
ياريت موش تترفز وتقول امال انا ايه اكيد انت راجل وقدها وقدود بس ياريت تخلى الناس هى الى تحكم عليك بتصرفاتك بافعالك بكلامك الرجوله عمرها ماكنت كلمة ولا شكل وخلاص
الرجوله اثبات الرجوله تصرفات وعود تلتزم بها وتفذها
لو أنت راجل لو أنتى ست اكيد كل واحد منكم لازم يبقى ليه شخصيه نقدر نحط دايما النقط على الحروف نكمل بعض نعيش على القد نحل مشاكلنا بنفسنا ولو قفت قدامنا حاجه موش عيب ناخد رأى غيرنا أصحابنا وأهلنا خليكم دايما عايشين فى النور كمل حياتك بوضوح

سؤال رابع وده أجابته :
لو انت بتحب بتحب ليه مع انى عارف الى بيحب موش بيسأل نفسه ليه بس خلينا واقعيين شوية ونفكر ياترى انت بتحب عشان تبقى زى أى واحد بيحب ويتقال عليك واد حبيب واد من الاخر ده بيكلم بنات
ياترى بتحب عشان القدر خلاك تقابل شخص حسيت فيه بالحياه انه ممكن يشاركك حياتك بحلوها ومرها يقدر يساعدك فى مشاكلك من الاخر يبقى نصك التانى زى مابيقولوا

سؤال خامس وده أجابته :

أيه اخرة حبك
كتير مننا بيقول الحب موش ليه اخر وانا بتفق معاكوا بس انا اقصد ياترى هنفضل عايشين حالة حب ونقول كفايه كده
كل قصة وبيبقى ليها نهايه والنهايه دى دايما بتبقى لبداية حياه تانيه


الأجابه انا أختصرتها ليكم أنتوا باقى الأجابه
دى بدايه لرحله أتمناها رحله سعيده وموفقه
أكيد هتقابلك صعوبات ومواقف محرجه بس خليك قد الحياه وكمل
الحب موش عيب الحب مش حرام
بس العيب انك تكون بتضحك على نفسك بحب وهمى موش ليه أساس
الحرام انك تضحك على بنات الناس وتظلم قلوب غيرك كتير
أوعدنى من االنهارده لو أنت فعلا عندك قلب انك بجد تتغير للأفضل وتقول بحبك قدام الكل قولها فى النور
ولو أنت بتضحك على أنسانه بتحبك روح وقولها اسف انك خدعتها أعترف ليها أنك موش كنت قد حبها أثبت ليها أنك راجل
لو أنت بتحب أعمل أى حاجه تثبت فعلا انك بتحب بجد
حاول تشارك غيرك حياتك
حاول تساعد غيرك وتكمل مشواره
أقفل ومش تسمع كلامك ناس عايزاه توقع بينك وبين الى بتحبه

خليك قد وعدك وقد كلمة بتقولها
ماهى موش كلمة بتتقال وخلاص ولا هى لمسة ايد وضحكه عيون
لاء الحب موش كده
الحب احساس طاهر شهوه طاهره
الحب تعاون وأصرار الحب توحد الحب شخصية

أحنا شباب
بس شباب موش طايشين ولاهنقول فى الحب غرقانين
كل الى عايزينه اننا نحب بجد نبقى شباب فعلا شباب ورد
موش نعيش أحلام ورديه لاء نحلم ونحقق الحلم

أزرع شجرة حبك من دلوقتى وأنت تلاقى كل يوم ورا يوم الفرع بيطرح ليك
أسمع كلامى وجرب وشوف
حب من قلبك هتلاقى الدنيا كلها بتحبك

موضوع جامد ما اقدرش اجواب عليه
لانى اتجرحت كتير اوىىىىىىىى
وصعب عليا المواجع حسيت بيها
دلوقتى لانى كنت رومانسى جدا وكنت بصدق اى بنت تقولى بحبك
اسبوعين او شهر بالكتير
انا اللى بسيبها لانها مش من طبعى حاسس انها مش هتكمل معايا
ولكن الان فى واحده فى قلبى بقالى سنتين بحبها ومازهقتش منها
ربنا يهديها وان شاء الله تكون هى من نصيبى
على فكره يامان انا اول مره افضض كدا عمرى ماعملتها خالص
اشكرك لانك خلتنى اطلع اللى فى قلبى صحيح رجعتنى للمواجع بس انا مبسوط لانى استقريت
اشكرك يامادو
موضوع جامد جدااااااااااا :rendeer:

بص اي ولد واي بنت في الدنيا ديه نفسهم يعيشوا اجمل قصة حب بس هيعشوها ازاي محدش بيحط خطوات عشان يمشي عليه انا عارفة ان الحب بياءتيفي لحظة دون سابق انزار او معاد بس في الزمن ده ومع الناس اللي احنا بنتعامل الواحد لازم يفكر بدل المرة الف مرة قبل ما يدخل في موضوع ارتباط هل هيكون قد الحب ده ولا لاء هل هيقدر يتفادي كل المطبات اللي هتقابلهم ولا لاء هل هي هتصبر عليه وهو يصبر عليها فلازم نمشي كل الخطوات ديه ونحسبها هنلاقي الحياة كويسة وماشية باذن الله

ومفتكرش ان عصر (سي السيد)هيرجع تاني او يكون موجود عشان امينة دلوقتي بقيت في املة بقيت دكتورة بقيت وزيرة بقيت حاجات كتير اووووي مفيش واحدة ممكن تقبل انها تتعامل زي امينة

:drunken:
ميرسى اووووووى المواضوع هايل جدا
بس تفتكر فى حد بيعمل زى ما انت بتقول
كل دا كلاام محدش بيحاسب نفسه
وان كان على حب زمان دا عمره ما هيرجع
مش علشان محدش هيقبل تعيش امينه
عشان حب زمان مفيش زيو ولا ناس زمان
بجد اشكرك الموضوع جميل
تسلم ايدك