جوله داخل عقل الفتاه . طلعوا مجانين نياهاهااااا

السلام عليكم ورحمه الله وبركاته ،،،

التفكير الاول
ازاى تبقى عروسه
البنت اول ما بتكبر وتحس انها دخلت الاعداديه وباباها يقولها وهو بيدلعها ماشاء الله بيقيتى عروسه
الكلمه تلزق بقه فى مخها وعاوزه بقى عروسه مش فارقه بقه تبقى عروسه المولد ولا عروسه لعبه ولا عروسه بلاستك
المهم عروسه وخلاص
وتحلملك بقه بالفستان الابيض على راى الواد محمود العسيلى

التفكير الثانى
فتى الاحلام
فى التفكير الاول كانت بتدور على انها تبقى عروسه من غير ما فكرت مين هوه العريس بس بعد ماتكبر شويه تبدا تفكر فى العريس اللى هايجى على حصان ابيض ويخطفها ويجرى
تفكر شويه فى الواد احمد ابن الجيران وبعدين تقابل الواد محمد فى درس الانجليش وتقول لالا انا عاوزه واحد شكل احمد ادم لالا عاوزه واحد شكل اسماعيل يس لالاشكل حسام حسن بتاع الكوره وهكذا يتعدد فتى الاحلام من واحده الى للتانية

التفكير الثالث
اللبس
بتدور بقه على ما يطلقون عليه اللبس المودرن يعنى عايزاه يكون بشوية ترتر وحركات والوانات
وبنطلون جينز ضيق وكمان مينى جيب وحورات من دى
ويشغل اللبس ما يساوى 73% من تفكير اى بنت فى العالم وهذه النسبه بناء على دراسات علميه

التفكير الرابع
الميك اب
الميك اب ده بقه اشتغلات فى اشتغلات تفكر بقه فى الوان خضرا وحمرا وصفرا
ومسخره قصدى مسكره وحجات كده مش بعرف اسمها ايه بس هيا من انواع الميك اب
كمان بقه لازم المرايه فى الشنطه اراهن اى بنت لو فتحت شنطتها ومش لاقيت مرايه
طبعا اكسب الرهان علشان لازم المرايه فى الشنطه علشان تعكس بها ضوء الشمس

التفكير الخامس
الانتقام
وده طبعا خاص بالست المتجوزه يعنى الست اللى بقت فى عصمه سى السيد بتفكر بقه فى الاكياس البلاستك والسكاكين
وازاى تعمل جوزها زى الخاتم فى صباعها على رأى الست طنطن مامتها وتسمع بقه كلام المثل الشعبى اللى بيقول
ابنك على ما تربيه وجوزك على ما تعوديه

التفكير السادس
الذهب
بعض الستات عندهم الدهب ده زى الادمان يعنى مش عارف لازم تبقى لابسه 15 كيلو وربع دهب
وتلاقى بقه فى كل صباع خاتم انا مش عارف ليه بصراحه

التفكير السابع
الغيره
حاجه منتشره كتير اوى فى البنات ومش عاوز حد يقولى لا
الغيره من صاحبتها يعنى تلاقى بنتين صحاب اوى اوى وماشين مع بعض ليل نهار
بس الاتنين بيغروا من بعض موت من اى حاجه وعلى اى حاجه
وطبعا بقه غير التفكير المتقلب للبنت يعنى فيه بنات كده ممكن تكون بتحب حاجه و بعد 3 دقايق تقولك مش بحبها .

ايه رأيكم فى الجولة دى

فى حاجة غلط فى الكلام ده ولا فى حد معترض

الرد الاول

من جمعية الرجالة المفترية

هههههههههههههههههههههههههههههههههههههههههههههههههههههههههههه

والله يامان صبحان الله دا كل الى بتفكر فيه الست
حاجه تفرس بصحيح

» كيفيه تركيب رابط داخل كلمه
» علي المسطبه (البس جلابيه وانت داخل)
» كيف يكون تعاملنا مع بعضنا البعض داخل المنتدى
» إينو يرفض الانتقال إلى أى نادى داخل مصر فى يناير
» اغتصبها داخل المسجد ... ( قصة حقيقية ) لاحول ولاقوه الا بالله