ازاى تبقى شاب جامد خش واتصدم

بص يا سيدي..عشان تبقي "آخر قرف" لازم 3 حاجات يتوفروا فيك يا نجم..
1-شخصيه مقــرفة..
2- شــكل مقرف..
3- تصرفات مقرفة..

اوكش و لا اية؟ عايز تكمل؟
هتندم..

اوك..


***
شخــصيه مقرفة..


أكيد يعني القرف بيرتبط جامد اوي بالعفانه..

ف عشان كدا عايزك تبقي شاب معفن جدا جدا جدا..

بطريقه بشعه..عايز الناس تمشي تقول :"ياي..ايه دا؟!"

ازاي؟


خد عندك:

- أنا عايزك تنسي شكل الحمام دا اساسا و تنسي شكل الدش..

او حتي المايه


انسي حاجة اسمها استحمام..

و أهلا بعهد القرف و العفانه..

بس لو انتا مش غاوي قرف و هتتعبني..

استحمي م العيد للعيد..


- حاجة تانية.. أكيد موجودة ف الشاب المعفن - يعني فيك يا نجم -

لازم تكون منعكش شعرك..

يعني بأختصار..انسي شكل المشرط و الفرشا..

و أهلا بعهد الفلاية و..القمل و البراغيت..

أنا عايز اشوف البراغيت ف كل حتي ف جسم و خصوصا شعرك


أقولك..أرمي كل الامشاط و أديها لشاب نضيف - يعني مش تبعنا-

بص بص استني..مش فرشه الشعر بس اللي هتترمي..

فرشه السنان كمان

ايوه..أنا عايز اشوف ف وشك اجدع ابتسامه صفرا ف الجمهورية كلها..و صدقني لما اقولك مفيش اقرف من كدا


شخصيه هاطلـه

يعني م الاخر لو الكلام اللي فوق معجبكش..
نفذ دا
و لو الاتنين عجبوك و نفذتهم..
تبقي صحبي و حبيبي و كفائه


:سيشسي: :ببب:



نرجع لحوارنا..بص ياسيــدي



أنا عايزك كدا لما تصحي م النوم بالصلا ع كدا متحطش مية ف وشك بتاتا..

عايزك كدا بشكلك القمر دا! ماشي؟عشان انتا لو مفكش ملامح العبط و الهبل و الهطل.. وهتبقي موجودة و متوفره مؤقتا..و دبر امورك ف اللي مش مؤقتا دا!

بس لو عندك ملامح الهطل..

انصحك نحط ميه..عشان يبقي مشرق كدا و يبان نور العبط فيك!

و أكيد يعني تتصرف تصرفات الهبل..لازم لازم..




يعني انا عايزك تتغلب
بعبطك علي بطوط و بندق

غباء ماشي..غلاسة ميضرش..بخل يجوز..

لكن تتصرف كويس.. لا "يكوز"




و لازم تحط صباعك ف مناخيرك..دي حاجة مهمه جدا جدا!

دانا عايز اشوفك بتجيب الــFM منها..بالمذيعين بتوعوتها!


:ببب:



فخور
بقرفه



يعني..بشكلك المقرف و شخصيتك
المقرفه دي و هدومك المهلهله اللي تحسس اللي قدامك انك اسير حرب..



عايزك تبقي فخور باللي انتا عليه دا..







طبعا
..هوا فيه زيك كتير ف البلد دي..؟


انتا تراث يابني..







افتخر افتخر
..و انكشح كدا!



و هقولك إزاي تفتخر اهو:

قدام اصحابك انا عايز اسمع الجمل دي:

" بقولك..شفت اللبس المعفن الجديد دا؟"

" والنبي اتقولي رأيك ف الأكله الغريبة دي"

" و حياتك انتا..انا مش بستحمي غير كل شهر..آخر قرف يابني.."


كدا انتا جاااامد اوي و بقيت بروفيشونال!




2- شكل معفن

دي بقي عشان الصفات الخارجية.. و المظاهر و كدا..



عشان كدا دي اهم حاجة..

يلا بقي عشان تبقي أستاذ قرف!

- بتريل: ايون..لا متستهبلش..هتريل يعني هتريل..

لازم اشوف " اللعاب" طالع منك كداعلي طوول الخــط



يعني بنكلم واحد صاحبك..
و
فجأة..
ينزل اللي بالي بالك!



و انتا عامل زي العبـيط..و مكمل كلامك عادي و كأن مفيش حاجة..

و شوف بقي منظرة و تأمل روعه الخالق!

و المنظر دا مش هتنساه طوول حياتك..!

- هبل ع الوش: و دي طبعا انا قلتلكم عليها من شوية..يعني ابتسامه صفرا و كدا بس هزود شوية حاجات..زي نظرة "الزومبي" اللي تحسسك انك بتكلم ميت..



و كمان لازم الحواجب تكون مرفوعه لفوق و راسك تكون معووجة شمال و انتا بتتكلم

تخيل شكلك بقي

و الله انتا ميه ميه!



- هدوم غريبة: يا نجم متقوليش اخر موضة و بتاع..لالالا انتا هتفكك م الكلام دا كله..



و عشان تبقي مقرف -من جهة الشكل- لازم ترجع بقي لموضه الستينات و السبعينات..اوك؟

انا عايز اشوف قميص من ايام الثورة.. و لونه اخضر..



و تلبس شورت اسود



و
اوعي اوعي..تغير اللبس دا..

أفضل علي طوول لبسه دايما!



اهو كدا القرف و لا بلاش!






3-
تصرفاته



التصرفات دي بقي بتحدد انتا
مقرف و لا لأ..يلا بقي خد "إزاي" ببلاش يا مان..



- بياكل بطريقة معفنه: أها..دا شرط مهم اوي..بص بقي..

عارف انتا المواطن المطحون؟عارف بقي لم بيلاقي لحمه؟
انا عايزك بقي تبرق للحمه كدا و "تريل برضه"
و تقول


"يا
عدوي" او "يا قوي"
المهم كلمه معناها..
انا هفتك بالبتاع دا!و هتهيص ف الأكل



:cyclops: :cyclops: :cyclops:


بعد كدا..
عايزك فعلا تهيص ف الأكل..و تاكل كأنك
ماكلتش من 10 سنين و انتا قاعد ع السفره مع عيلتك..


عايزك تاخد الاكل من دا و دا من غير متستأذن خالص
محدش له عندك حاجة






انتا
شاب
مقرف


و محدش هيوقفك من
مارثون الأكل بتاعك.. و لا هياخد منك حاجة..
و لا تدي حاجة
المهم انك تاخد السلطه و الطحينة ف مقابل اي حاجة!
- بيتكلم بطريقة غريبة: يعني تتكلم بطريقة مقرفه ع الآخر و مليانه هطل.. و صوت رخيم كدا و تقيل..






زي كدا
اللمبي
او
جيم كاري ف
تصرفاته!


و طبعا مع رفع الحواجب و النظره الغريبة بتاعه الاموات..و بؤك المفتوح دايما..اشطه يا عم بخ!


***


نصيحة اخيرة
..
اللي يكون بجح معاك و يقلك انتا مقرف..
قله " القرف ترف..و اعلي ما ف خيلك اركبه"
ايوة كدا..محدش له عندك حاجة!

طبعا دا تهريج واوعى حد يجرب

هههههههههههه
شكرا يا مان

ما هو كده برده حرب ضدد البنات علشان اتججنوا ولا انتى شايفه ان لو حد كلمك وقالك انه مستحماش من سنه ممكن تكلميه هههههههههههههههههههههههه تسلم ياباشا على المواضيع الجامده دى