أجمل قصه حب حقيقى واقعيه ومن ايام الثانويه.... هتندم لو معرفتهاش... جامده ارجوالتثبيت

الموضوع جامد وشدنى اوى و ع فكره انا مش صاحب الموضوع صاحبه الحقيقى اسمه فوزي .. والله أعلم ولكن في بعض الاشياء قمت بتغيرها

الحكايه ديه واقعيه يعنى حصلت فعلا واحنا المفروض عادىبنشوفها بتحصل مع اصحابنا بس ديه احداثها مختلفه عن الطبيعى والعنوان كفيل بانه يفهمك موجز بس الى هتقراه مش هتصدقه
حاجه مش ممكنه بس حصلت ..... سبحان الله

خليك معايا للاخر وانته هتعرف الحكايه

ودلوقتى هبدا عايزكم تدينوا رايكم اول باول عشن اكمل واوعدكم انكم هتتشدوا جامد ليا ذى ما حصل معايا
بس الصبر فى الاول والتخمينات والاراء اهم حاجه

لازم تشاركونى

بس عايزين الاداره تثيت الموضوع لانه كبير وطويل ومهم وجامد ذى ما قلتلكم قبل كده وعشن انقلكم القصه كلها واقروا واحكموا انتوا

يلا نبدا

^
^
^
^
^

الفصل الاول .. النظــــــــــــرة الاولي


يخرج سمسم من المسجد بعد صلاة العصر يسمع همسات و همهمات من اعلى ينظر لاعلى للفضول ليس اكثر ويراها لاول مره تقف في البلكون ولم تلاحظه سمسمه


يستمر سمسم في السير الى منزله المجاور للمنزل و هو يتساءل من تكون؟ كيف لم اراها من قبل و هى جارتى؟ يا ترى في سنه كام؟ اسمها ايه ؟ بنت مين؟ اذاكر احسن بلاش كلام فاضى انا في ثانويه لسا يامه هقابل


الفصل الثاني .. النظــــــــرة الثانية



في الصباح الباكر يخرج سمسم من المنزل للذهاب الى المدرسه ليجدها امامه تلبس اليونيفورم الرمادى في طريقها للمدرسه و تلك المره نظرت إليه رأت في عينيه جميع التساؤلات و الحيره و رأى في عينيها الحيره و اللهفه لمعرفته و لكن هناك سؤال جديد يطرح نفسه


اشمعنا اشوفها مرتين ورا بعض مع انها جارتى ؟

هو ده اللى اسمه النصيب و لا ايه؟

المهم كل واحد راح مدرسته و خلصت الليله



الفصل الثالث .. الخطوة الاولي




بعد عدة ايام الساعه تقريبا 7 مساء

سمسم في طريق العوده للمنزل من احدى الدروس الخصوصيه

ايه ده سمسمه هى كمان راجعه من الدرس ايه ده المطره بتنزل ايه ده دى مش لابسه جاكيت هى دى الفرصه

سمسم قرب من سمسمه شال من على كتفه جاكت تقيل كان لابسه

ولاول مره كلمها ممكن تاخديه انا لابس تقيل و انتى مش لابسه حاجه تحميكى من البرد و المطر

سمسمه انا اسفه مش هينفع انا معرفكش و بعدين البيت مش بعيد

سمسم عادى خديه و بعدين ابعتيه على بيتى مع اى حد من عندك اخوكى او هخده منك بعدين بس بسرعه علشان المطره بتزيد

اخدت سمسمه الجاكت واستسلمت لذوق صاحبنا سمسم و طبعا مع شوية اقناع من الثالث الشيطان


الفصل الرابع الخطوة الثانية




بعد يوم او يمكن يومين و في نفس المعاد سمسم نازل من البيت رايح المدرسه و سمسمه هى كمان رايحه المدرسه

استنوا استنوا ايه ده

دى سمسمه في ايديها الجاكت

قربت سمسمه من سمسم و قالت انا متشكره اوى اوى على موقفك النبيل يا !!!!!

هو انت اسمك ايه؟

سمسم: انا اسمى سمسم و انتى ؟

سمسمه: انا سمسمه انت في سنه كام؟

سمسم: انا في تالته ثانوى و انتى ؟

سمسمه: انا في اولى ثانوى . انا اسفه مش هقدر اكمل كلام معاك ممكن حد يشوفنا .اوكى

سمسم : اشوفك تانى امتى؟

سمسمه سيبها للنصيب احسن

ياه البنت دى اموره اوى انا ازاى معرفش حاجه عنها انا انهارده لازم اعرف عنها كل حاجه من صاحبى اللى ساكن تحتهم(سمسم)

ياه الواد ده يجنن انا هسأل عنه اصحابى ممكن حد يعرفه (سمسمه)





الفصل الخامس المفاجأةاستنوا شويه ده في حاجه غريبه اوى اوى

الفصل الخامس المفاجأة



صاحبنا سمسم سأل جار سمسمه عنها و كان الرد


يا ابنى دى بنت ساهله واى حد يكلمها بتكلمه انا عن نفسى زهقت منها و من الكلام معاها تاخد نمرتها لو عاوز ؟

يا دى المصيبه دى طلعت مش مؤدبه انا افتكرتها معجبه بيا يلا مش مشكله انا المهم انى بتكلم معاها زى اصحابى ما بيكلموا بنات

اشمعنا انا ميكنش ليّا تجارب و احب و اتحب هو انا وحش ولا ايه؟

امّا سمسمه لمّا سألت عن سمسم عرفت انه ولد ملوش في الحكايات فقالت " الواد ده لسّه خام امّا اشتغله شويه

الفصل السادس .. البداية


بعد كام يوم الساعه7 مساء

سمسم راجع من الدرس و سمسمه راجعه هى كمان


سمسم : ازيك يا سمسمه

سمسمه: ازيك يا سمسم عامل ايه؟

سمسم: انا كويس . ممكن طلب صغير ؛ ممكن اخد رقم تليفونك؟

سمسمه : لا طبعا انا اسفه مسمحلكش انك تكلمنى في البيت

سمسم: ليه انا مش هديها لحد وهكلمك في الوقت اللى تحدديه ولو مش عاوزه بلاش

سمسمه: انا مش قصدى بس انا عندى اخويا و ماما وبابا و مش بيخلونى اتكلم براحتى ، بس اقولك ممكن اديك الرقم بس تطلبنى بعد الساعه 12 اوكى

سمسم: ايوه كده هو ده الكلام المعقول

سمسمه : باى بقه البيت قرب


و في نفس اليوم الساعه 12 بالتمام اول مره سمسم يكلم سمسمه في التليفون

سمسمه: هاى سمسم انت بتذاكر؟

سمسم : هو اللى يكلمك يعرف يذاكر، انا مش عاوز اعمل اى حاجه غير انى اكلمك و بس.

سمسمه : انا على فكره سألت عنك اصحابى
و قالولى انك شاطر اوى و كمان مجموعك كبير و بتطلع من الاوائل.

سمسم: ايه ده انتى سألتى عنى مين ؟ هو في حد يعرفنى؟

سمسمه: طبعا يا ابنى ، البنات ما وراهمش حاجه غير الكلام عن الصبيان امال هنضيع الوقت في ايه غير كده؟

سمسم :انتوا بتتكلموا عننا زى احنا ما بنتكلم عنكو؟

سمسمه: طبعا يا ابنى ، انتا باين عليك ما تعرفش حاجه عن البنات؟

سمسم: بصراحه انا اول مره اتكلم فيها مع بنت، و انتى؟

سمسمه : انا اول مره اتكلم مع ولد زيك مبيكلمش بنات بس حاسّه انى مشدودالك اوى مش عارفه ليه؟

سمسم : ممكن اطلب منك طلب؟ ممكن تبطلى كلام مع الصبيان .

سمسمه: ايه احنا بدأنا نغير ولا ايه؟

سمسم: بصراحه انا لما سألت عنك قالولى انك بنت سهله وكده يعنى.

سمسمه: اللى ميعرفش يقول عدس ، و بعدين انا احب انه يكون عندى تجارب علشان اعرف اختار شريك حياتى اما اذا كنت هتدخل معايا في قصة حب ملوش لازمه الكلام احسن ، اوكى.

سمسم : انتى حّره بس انا حبيت انصحك لانى معتقدش انى لما احب اتجوز هتجوز بنت ليها تجارب ، علشان البنت اللى من النوع ده ما تقدرش تحافظ على بيتى.

سمسمه: طب ما انتا بتكلمنى اهو و لا ايه يعنى ، اعتقد دى اسمها انانيه، انتا ليك اخوات بنات؟

سمسم :ايوه بس دى ملتزمه و بتصلى و ما اعتقدش انها ممكن تكلم حد او تعرف شباب.

سمسمه معنى كده ان انا مش محترمه ؟

سمسم: بصراحه البنت اللى بتكلم صبيان في السن ده تبقى مش محترمه

سمسمه: و لما انتا شايف انى مش محترمه بتتكلم معايا ليه؟

سمسم : اقولك الحق انا مش عارف ليه ، انا عمرى ما فكرت انى اتكلم مع بنت بس حسيت انى مشدودلك و مش عارف يا ترى اكمل كلام معاكى ولا اسيبك ، بس ممكن نكون اصحاب و في الاخر نشوف مين فينا اللى هيقدر يقنع التانى انه صح؟
و ادينا ما بنعملش حاجه غلط ، ماشى.

سمسمه : اوكى ، باى دلوقتى

الفصل السابع... افكار غريبه جدا


سمسم هيبدأ المحاوله الاولى في انه يبعد سمسمه عن الصبيان ، بس يا ترى ليه؟

انا عارف ليه. اصله عاوز يفصل بنت على مزاجه محترمه قدام كل الناس بس ، متدينه بس شويه كده وشويه كده
يا تري ازاى؟

هو في حاجه اسمها شويه كده و شويه كده
ادينا هنشوف ايه الموضوع ده


الفصل السابع افكار غريبه


التليفون بعد نص الليل الطبيعى بتاعهم


سمسم: ممكن اطلب منك طلب و توافقينى عليه؟

سمسمه: اتفضل

سمسم:لو طلبت منك انك تبطلى كلام مع الصبيان توافقي؟

سمسمه:ممكن اعرف ليه ، اقنعنى وانا اقنعك و اكيد هنلاقي حل يرضى جميع الاطراف.

سمسم: بصراحه انا بدأت احبك و مش قادر افكر في حد تانى غيرك ، حاسس انك بقيتى كل حاجه في حياتىو مقدرش اعيش من غيرك انا ممكن اكون بالنسبالك اخ و اب و صديق و كل حاجه بس بشرط اننا ننفذ كلام بعض و نخاف على بعض و لمّا نشوف نفسنا بنعمل حاجه غلط ننصح بعض ، افتكر اننا لو بدأنا قصة حب طاهر و شريف ممكن نكون لبعض فى الاخر و نعيش مع بعض في بيت واحد يجمع حبنا ، انا شاطر في المدرسه و هدخل كليه من كليات القمه و هقدر ابنى بيت و مستقبل يسعدنى انا و انتى و بعدين اللى اعرفه ان انا و انتى في نفس المستوى المادى و الاجتماعى و مفتكرش ان اهلك هيرفضونى لما اجى البيت قولتى ايه؟


سمسمه:: مش عارفه اقولك ايه بعد كل اللى انتا قولته انا اول مره احس ان في حد بيحبنى بالطريقه دى و بيخاف عليا كده انا مش عارفه بصراحه اقول ايه، مقدرش ارفضلك اى طلب انا حاسّه انى بحبك من قلبى بجد، اول مره اقابل واحد يقولى كل الكلام ده و بحس فعلا انه طالع من قلبك .


سمسم :صدقينى انا كل اللى قولته ده كان من قلبى ،انا حاسس لاول مره انى بحب؛ ممكن بقى تبطلى كلام مع الصبيان ولا لسه عاوزاهم؟


سمسمه: انا لو لفيت العلم كله مش هلاقي غيرك يقدر يدخل قلبى انا خلاص مش عاوزه غيرك و اتمنى اننا نكون لبعض

سمسم:مع السلامه يا اول من احب قلبى
يا ترى ايه اللى هيحصل ممكن فعلا سمسمه تبطل كلام مع الصبيان و يا ترى سمسم هيعمل ايه بعد كده وهو بيحس لاول مره انه بيعمل حاجه صح؟

استنوا استنوا ايه ده ؟
سمسم بيحب سمسمه وهى كمان بتحبه بس ده لسّه بدرى قوى على الكلام ده ،دول يا دوبك لسّه في ثانوى
الله اعلم بس لسّه بدرى اوى علشان نحكم على الحكايه


الفصل الثامن الاختبارات العمليه

بعد كل اللى حصل بين سمسم و سمسمه كان فاضل ان سمسم يتأكد من ان سمسمه بتحبه طب ازاى؟




تعالوا نشوف.....

قبل ما نعرف سمسم عمل ايه مع سمسمه
لازم نحكم الاول؟
فين الغلط و فين الصح


سمسم مش عارف ان اللى بيعمله ده حتى و لو بهدف انه يبعد سمسمه عن الغلط فهو ذات نفسه وقع في الغلط نفسه ازاى يبعد سمسمه عن الصبيان و في نفس الوقت هو اللى يتكلم معاها
ازاى اصلح و في نفس الوقت اهدم


هو عاوز يبعدها عن طريق الانحراف لكن اتخذ اسلوب خطأ و سمسمه هى كمان مكنتش لاقيه فين الصح و فين الغلط
بالرغم من ان سمسم بيصلى و عارف الدين على قد سنه لكن كان فاكر (انما الاعمال بالنيات ) غلط

مش معنى انه عاوز يصلح من سمسمه انه يتقرب منها هل لانه عارف انه عمره ما هيغلط معاها و يعملوا حاجه حرام
ده من وجهة نظره انه مش حرام من البدايه انه يكلمها لو هيتكلم معاها في حدود النصيحه لكن النصيحه راحت للحب و الحب و صل ل..


اديكوا هتعرفوا و تشوفوا ازاى سمسم اتصرف مع سمسمه لما خللا واحد زميله يطلبها في التليفون
سمسمه كانت فاهمه ان سمسم عادى يعنى زى اى حد تانى اول ما لقت الفرصه ان حد يكلمها في التليفون استسلمت لاول معاكسه تليفونيه و عاشت الدور و وفشلت في اول اختبار من سمسم و لمّا سمسم قالها انتى كنتى بتكلمى مين قالت عادى واحده زميلتى


رد سمسم وقال :انا اسف انى حاولت اخليكى انسانه محترمه لكن واضح ان الانحراف من طابعك اخر مره تكلمينى و اياكى تحاولى تطلبينى بعد كده ، على فكره اللى كان بيكلمك من شويه واحد صاحبى و قالى كل اللى دار بينكوا كنت فاكر انك بتحبينى و انى ممكن اخليكى انسانه محترمه بس دى تجربه انتى اللى خسرتى فيها انسان كان ممكن يكون جوزك و مخلص بس خلاص انتى اللى خسرانه ، مع السلامه و اياكى تحاولى تكلمينى تانى

يا ترى ايه اللى حصل بعد كده
مر على نهايه المكالمه دى تقريبا 5 شهور و بعد كده حصل اللى جاى

الفصل التاسع سمسمه عندها مشكله

الفصل التاسع سمسمه في مشكله


بعد مرور فتره طويله تقريبا 5 شهور كان لسّه صاحبنا سمسم بيعرف اخبار سمسمه بس من بعيد

المهم انه عرف ان سمسمه اتعرفت على ولد اسمه كوكى وصاحبنا كوكى ده مكنش بيسيب بنت في حالها اصله مقطع السمكه و ديلها ولازم البنت اللى يكلمها متخرجش من تحت ايديه سليمه يعنى لازم ياخد منها اعز حاجه البنت ممكن تفقدها طبعا فاهمين
المهم اخونا سمسم لماّ عرف الموضوع ده كان لازم يتصرف و ده اللى عمله


طلب سمسمه وقالها الاتى


سمسم:انا عاوز اقولك حاجه بس تصديقنى

سمسمه: عاوز ايه تانى؟

سمسم: انتى بتكلمى كوكى؟

سمسمه :وانت مالك ايوه بكلمه عاوز ايه يعنى؟

سمسم:بلاش كوكى علشان خاطر اغلى حاجه عندك

سمسمه:ليه؟ بتغير؟

سمسم:ابدا بس اصله مش كويس وبعدين انا عرفت انه عاوز يعمل معاكى حاجات غلط انا مقدرش اقولها

سمسمه:زى ايه؟

سمسم:انا ممكن اقولك بس من غير كسوف؟

سمسمه: متكملش انتا باين عليك قليل الادب

سمسم:طب ممكن تسمعينى دقيقه واحده؟

سمسمه: قول

سمسم:لو بيحبك صحيح يبقى اكيد بيخاف عليكى وانا هثبت العكس بس نفذى اللى هقوله ماشى

سمسمه :ماشى

سمسم:اطلبى منّه انك تقابليه عنده في البيت علشان هو واحشك وانتى نفسك تاخديه في حضنك و المفروض انه لو بيخاف عليكى هيرفض ولو هو ده اللى عاوزه منك يبقى احنا عرفنا انه مش كويس و كل هدفه انه يلعب بيكى .اوك

سمسمه : وانا موافقه

وطبعا لما طلبت سمسمه من كوكى انها تشوفه في البيت وافق و رحب بيها
وسمسمة عرفت انه بيلعب بيها وهنا وصلنا لبداية القصه الحقيقيه




ايه البداية أمال كل اللي فات ده ايه


مقدمة


بعد اللى عمله سمسم مع سمسمه اتأكدت سمسمه ان سمسم لسّه بيحبها ودار الحوار التالى


سمسمه:ممكن اطلب منك طلب

سمسم:اكيد انا تحت امرك.

سمسمه:ممكن نرجع نتكلم مع بعض تانى واوعدك انى مش هكلم حد تانى ابدا غيرك؟

سمسم:معتقدش انى ممكن ارجع اكلمك تانى لانك مش البنت اللى احلم انها تكون شريكة حياتى،وبعدين انا عرفت ان كلامى معاكى مش هيجيب نتيجه انتى بنت لعبيه و تفكيرك سطحى

سمسمه:ممكن تساعدنى انى اكون بنت كويسه واوعدك انى هكون ليك انت وبس،انا حسيت انك بتخاف عليا بجد وانك فعلا انسان محترم .


سمسم :انا ممكن ارجعلك بس بشرط ،انك تعّرفى ماما انك بتكلمينى علشان احس انى مبعملش حاجه حرام ،لو قدرتى تخلى ماما توافق يبقى انا هقدر اكمل معاكى،اوكى.


سمسمه:انا مقدرش اقول لماما انى بتكلم مع حد انت اتجننت


سمسم :خلاص انسى الموضوع ده مع السلامه



يا ترى سمسم عمل الصح ولا ايه ؟؟
"سمسم فاكر انّه لما يكلم سمسمه بعلم مامتها يبقى مش حرام يا حرام سمسم صاحبنا لسّه عبيط
المهم بعد المكالمه دى سمسمه بطّلت تتكلم مع الصبيان واتفرغت للمذاكره
اما صاحبنا سمسم فحالته حاله مش عارف فين الصح نفسه يتكلم مع سمسمه بس مش قادر و الامتحانات على الابواب و مش قادر يذاكر يا عينى و خلصت الامتحانات و سمسم كان عنده ماده ضعيف فيها و جاب فيها مجموع وحش بس هيدخل التحسين اصله من جيل التحسينات

استنوا لسّه فيه حاجه ده عمنا سمسم هيعمل مفاجأة كبيره و هيتصرف تصرف غريييييييييييييب جداااااااااا

ايه رايكم بقى لحد ما نشوف الفصل العاشربس شويه انا تعبت
رايكم ايه بقى نكمل ولا.....

بجد موضوع جامد انا مستنى اشوف الواد سمسم ده هيعمل ايه
مرسى جدا

الفصل العاشر الحديقه العامه




سمسم كان بيتفسح مع زميله في احدى حدائق المحافظه وقابل بالصدفه سمسمه مع مامتها قاعده في الجنينه وهنا اخد القرار انه مش يكلم سمسمه تانى

لا

سمسم اخذ القرار انه يتكلم مع مامتها تعالوا نشوف ايه اللى حصل؟



سمسم:السلام عليكم ،انا سمسم جاركوا يا طنط انا ابن ..... وماما تبقى......




الام:اهلا يا ابنى اتفضل اقعد معانا.


سمسم :ممكن اتكلم مع حضرتك على انفراد


الام:مش فاهمه يا ابنى احنا قاعدين لوحدنا ومفيش حد غريب دى سمسمه بنتى


سمسم:ممكن تسمعينى حضرتك من غير ما تفهمينى غلط


شوف العسل هيظبط الدنيا ربنا يستر انا قولتله يا سمسم فكر بس شكلها هيخربها



انا قابلت سمسمه من فتره طويله وكنت بكلمها في التليفون لكن حسيت انى بعمل حاجه غلط لانى بكلمها من ورا حضرتك وعلشان كده قطعت علاقتى بيها وقررت انى ما اكلمهاش الا بعلمك لكن سمسمه رفضت تقولك لانها خايفه




انا والله مش عاوز اعمل حاجه غلط او اقابلها من وراكى لكن كل اللى انا عاوزه انى اكلمها في التلين بس و فوجودك طبعا ،انا عاوز اتقدم لسمسمه في البيت بس لسّه بدرى و مش عاوز سمسمه ترتبط بحد غيرى ،انا بحبها يا طنط ،ومش قادر انساها قولتى ايه يا طنط؟




الام بكل برود:روح يا شاطر و لما تكبر ابقى تعالى انت لسه صغير على الكلام ده وانا لما اقابل ماما هعرفها انك قليل الادب




سمسم كان فاكر انها سهله
اما طنط فضربت سمسمه علقه سخنه وما حاولتش تعرف ايه الحكايه حتى
ما قعدتش مع بنتها تعالج الموقف و تعرف ايه اللى دفعها انها تعمل كده
كانت فاكره ان الضرب هو الحل



وسمسمه يا عينى اتكسرت

الفصل الحادى عشر نتيجة الرد البارد من الام



سمسمه:انا اسفه يا سمسم على رد ماما البايخ ،بس انت غلطان ،كان لازم تدينى فرصه انى امهد ليها الموضوع


سمسم:هى عملت معاكى ايه؟


سمسمه:ولا حاجه ،مسابتش حاجه في البيت ممكن تضربنى بيها الا لما اخدتها على جسمى ،بس انا متعوده على كده،الحزام والسلك والشباشب والجزم ،عادى يا ابنى



المهم انت هتعمل ايه دلوقتى ،انا كنت فاكراك نسيتنى



سمسم:مقدرتش و خصوصا لما عرفت من زمايلى انك مبقتيش بتكلمى صبيان
برافوعليكى


سمسمه:انا خلاص من بعد موضوع كوكى وانا حرمت اتكلم مع الصبيان بس حاسه انى محتاجالك،
ممكن نتكلم مع بعض ولو حتى اصحاب



سمسم:بعد اللى عملته ماما معاكى وبالرغم من كده لسّه عاوزانى؟



سمسمه: انت كبرت في نظرى ،سمسم انا نفسى اكمل معاك بقيت حياتى ،ممكن تحبنى واوعدك انى مش هكون لحد غيرك



سمسم :انا مقدرش اعيش من غيرك ،انا نفسى تعدى السنين بسرعه واقدراعيش معاكى في بيت واحد


سمسمه :انا بحبك اكتر من روحى يا اغلى من حياتى يا كل عمرى



ادى نتيجه رد مامتها العمليه فله برده
تعالوا مع بعض نشوف اللى حصل بين سمسم وسمسمه في الصيف


رومانسيه بجد


/=/=/=/=/=/=/=/=/=/=/=/=/=/=/=/=/


الفصل الثانى عشر(سمسم وسمسمه في المصيف)



سمسم نسي ان وراه ماده لازم يذاكرها في الصيف علشان يدخل كلية القمه و كان كل همّه انه يقابل سمسمه في المصيف



والد سمسم كان عارف ان ابنه دايما من الاوائل وعلشان كده كان سايبه براحته ومش بيتابعه



الواد ميه ميه اصله ميعرفش يا عينى الى حصل ربنا يستر من الى جاى


المصيف



سمسم:انا اول مره احس انى فعلا في المصيف المصيف من غيرك ملوش طعم



سمسمه:المصيف من غير حب ميبقاش مصيف يا ابنى


سمسم:ماما وبابا فين؟


سمسمه :على البحر قدام الشاليه بتاعنا.ليه؟



سمسم:احسن حد منهم يشوفنا مع بعض



سمسمه :اطمن يا ابنى انا قولتلهم انى عند مرمر زميلتى في الشاليه بتاعهم



سمسم:برافو عليكى كده ناخد راحتنا في الاقعده هما مش ممكن يسألوا عنكى هناك؟


سمسمه:لا طبعا هما فاضيين .البحر يجنن والاقعده واخداهم وناسيينى طبعا،سيبك منهم وخلينا مع بعض قولى كلام حب وانا اقولك كلام حب انت جايبنى هنا تسألنى عن بابا و ماما ولا ايه؟



مفيش احسن من كده اتتوا فاهمين بقى الليله والى فيها مفيش داعى للتفاصيل اكتر من كده كلام حب معبره وعدت الليله اشطه

الفصل الثالث عشر كلية القمه؟



اخونا سمسم دخل الامتحان من غير ما يذاكر اصله كان في المصيف بيحب في سمسمه
والنتيجه معروفه المجموع مكنش يدخله اى كليه من كليات القمه
سؤال ؟ لازم يعنى كلية قمه ؟




لكن بابا سمسم كان شايف ان الطب و الصيدله و الهندسه هى بس كليات القمه مع ان سمسم نفسه يدخل السياحه و الفنادق اصله بيحب السياحه اوى



المهم ان سمسم دخل كليه نظريه من غير نفس طبعا و اكيد بابا سمسم عرف ان الثقه ليها حدود وان المتابعه لازم حتى لو ابنى متفوق


سمسم في الكليه


عالم جديد و مثير وقابل و عرف و اتعرف على الكويسين والوحشين و لسّه بيحب سمسمه و مرتبط بيها من ورا مامتها


لكن استنوا بابا سمسم جابله عربيه علشان يوفر المواصلات و علشان يعمل برستيج لابنه قدام الجيران والاصحاب


اكيد البرستيج مهم بس المتابعه اهم اصل سمسم كان بدل ما يروح الكليه كان يسافر بالعربيه للمحافظات المجاوره علشان طبعا يتفسح مع اصدقاء السوء وده من غير علم بابا



سمسم بقى اجتماعى اكتر من اللازوم وعرف بنات كتير كتير كتير بيسافروا معاه في العربيه .طبعا من غير علم سمسمه بس في حاجه جديده


/=/=/=/=/=/=/=/=/=/=/=/=/=/=/=/=/


الفصل الرابع عشر


الام عاطفية



سمسم رجع تانى لعقله و اتعرف على اصحاب كويسين و محترمين بس المشكله انهم مش متدينين


وده كان بسبب سمسمه اصلها عرفت ان سمسم عرف اللى مش كويسين من البنات ايّاهم

و طلبت منّه انّه يبعد عنهم او يسيبها و طبعا كان الحل انه يبعد عنهم وبكده رجع لعقله تانى بس فاضل حاجه
سمسمه طلبت من سمسم انّه يتكلم تانى مع مامتها

لانها حاسّه انها بتعمل حاجه غلط و كمان نفسها انّها تتكلم مع سمسم براحتها

سمسم طلب ام سمسمه فى التليفون ودار الحوار التالى

سمسم:انا يا طنط لسّه بكلم سمسمه و لسّه عاوزها و بحبها ومقدرش اعيش من غيرها و افتكر انى لما اكلمها قدام عنيكى احسن ما اكون بتكلم من وراكى و انا و الله ما بعملش حاجه تغضب ربنا مع سمسمه علشان خاطرى يا طنط حسسينى انى بعمل حاجه صح في حياتى ادينى الحافز اللى يخلينى اكون مستقبل يليق بيّا انا و سمسمه


الام العاطفيه مش عارفه اقولك ايه يا ابنى انا حاسّه انك بتتكلم من قلبك انا موافقه انك تتكلم مع سمسمه بس بشرط: تكلمها مره واحده في الاسبوع و قدامى وما تحاولش تقابلها برّه اوكى


سمسم اوعدك انى هنفذ كل كلامك يا طنط ومش هتندمى



طبعا كان تفكرها طالما الى فات مانفعش يبقى يتكلموا قدامى احسن ما يتكلموا من ورايا


واللى جاى اغرب و اغرب ........

الفصل الخامس عشر



التربيه؟




في خلال اربع سنين كان لازم سمسم و يحاول يربيها على مزاجه، يعنى من الاخر يفصّلها زى ما هو عاوز



و على قد ما يقدر يخليها البنت اللى تصلح تكون شريكة حياته و كان بيستغل اخته المحترمه في انه ياخدها مثل اعلى في تربيته لسمسمه



يعنى اللى بتعمله اخته دودى هو الصح و اللى مبتعملوش يبقى غلط ، وبكده اكيد هيقدر يقنعها ان هو ده الاحترام و الاخلاق بعينه بس من غير ما ياخد تدين اخته في نقطه تبعده عن سمسمه



يعنى كان بيقنعها ان كلامه معاها مش حرام و انه يقابلها في السر او انه يقبلها ام ويمسك ايديها ده عادى لانهم بيحبوا بعض و هيتجوزوافي الاخر



(stop)
ايه ده



سمسم و سمسمه دخلوا في الاحضان و البوس



ايه اللى انتا بتقوله ده ، هو مش كان حب طاهر و عفيف؟؟



ايوه ده كان في الاول مهما كان سمسم متدين او محترم بس ده التطور الطبيعى للقصص اللى من النوع ده
بتبتدى بكلمه و بتنتهى انهم لما مشاعرهم تحركهم (قصدى الشيطان يحركهم) لازم يقعوا في الغلط اصل البدايه غلط


سمسم كان بيعلم سمسمه ان الخروج من البيت بحدود و الكلام في الكليه ليه حدود و المواعيد اللى تتمشى فيها مع اصحابها ليها حدود



يعنى كل حاجه ليها حدود اّلا مع سمسم



سمسم هو بس اللى ملوش حدود اى طلب يطلبه يبقى صح



برافو عليك يا سمسم انتا ولد مفييش زيك اتنين



بعد مرور السنوات الاربعه (خلصت الكليه)


كان سمسم بيشتغل علشان يثبت لنفسه انه يقدر يفتح بيت و يكون مسؤل عن اسره


و جت المفاجئه الجايه(سمسم عاوز يخطب سمسمه؟)
الفصل اللى جاى حكايههههههههه



حب سمسم لسمسمه اعطاه الحافز انه يشتغل من بدرى و يتعلم الحياه بدرى بدرى و يسيب المذاكره
المهم انه يقدر يدخل على بيت سمسمه و اديه مليانه
تابعوا الفصل السادس عشر(ما قبل الخطوبه)


سمسم معاه فلوس انه يدخل بيت سمسمه لكن ازاى يقنع والده انه يدخل بيت الناس وابنه لسه يا دوبك عنده 21 سنه و البنت لسّه عندها 18 سنه؟؟


اصل الطبيعى بتاعنا ان البنت يكون عندها 24 سنه و الشاب عنده 29 \30 سنه علشان نحس انه راجل


سمسم يا عينى يا دوبك عنده ثمن الدبل و الخطوبه اللى على الضيق تفتكروا العائله الكريمه هتوافق؟



تابعونا
الفصل السادس عشر (ما قبل الخطوبه)
وهنا الشغل هيبدأ يحلو
الى جاى عايز قاعده استنونى


/=/=/=/=/=/=/=/=/=/=/=/=/=/=/=/=/


سمسم و ابوه



سمسم:بابا انا عاوز اطلب منك طلب بس من غير غضب؟



الاب :عاوز ايه؟



سمسم:انا عاوز اتقدم لسمسمه بنت انا مش هكلفك حاجه انا معايا حق الخطوبه ، و هعمل الدخله كمان سنتين لما سمسمه تخلص الكليه و قتها هكون قدرت اكون فلوس الجهاز و اقدر اكمل اللى ناقصنى فى الشقه بس انا عاوزك معايا تساعدنى و تشجعنى ان الموضوع ده يكون حافز ليّا انى اقدر اكون مستقبلى بسرعه ولا انتا مش عاوز تشوف احفادك من ابنك سمسم؟




الاب: انا مش مقتنع بأى كلمه من كلامك انا مش فاضى للهيافه دى.




سمسم راح لمامته علشان تتكلم مع ابوه تانى و تحاول تقنعه بالموضوع كانت النتيجه ان الاب اقتنع بعد عدة محاولات من الام واخت سمسم طبعا اما بالنسبه لبيت سمسمه فمكنش فى اى مشكله لان والد سمسم معروف انه مسئول كبير في الحكومه و ليه وضعه و اكيد هيساعد ابنه في الجواز وشرف لاى عيله انها تناسبه



الاب كان شايل مفاجئه كبيره بس مش وقتها


بصراحه عاجبنى اوى الراجل ده اصله اب محترم جدا و عاقل جدا.طبعا انا قصدى والد سمسم



المهم حفلة الخطوبه......


/=/=/=/=/=/=/=/=/=/=/=/=/=/=/=/=/


الفصل السابع عشر



حفلة الخطوبه




اكيد كلنا عارفين ان الحفله كان فيها فساتين سواريه و رقص وطبل و بنات عاوزين عريس يشوفهم وهما( فل ماك اب)


واكيد اغانى عمرو وفؤاد و حكيم و نانسى و اليسيا كانت في الحفله



وطبعا في وسط الاغانى دى كان لازم نقرأالفاتحه


ممكن تقولولى ازاى نسمع الاغانى دى وفى نفس الوقت نقرأ الفاتحه ان ربنا يبارك في العلاقه الاتيه



ازاى سمسم كان فرحان و سمسمه بترقص و سط اصحابه و هى لابسه فستان بعضه مكشوف


طبعا دودى اتصرفت طبقا للى هيه شايفه فى ناس دا عادى بالنسبه ليهم ع اساس انها ليله بس عموما دودى مش ضايقت حد هيه



حضرت فى الاول علشان سمسم ميزعلش و اتحججت انها عندها صداع و كان لازم ترجع البيت لانها مش قادره تستحمل كل المهاذل اللى بتحصل قدامها مش بس تخرج لكن كان لازم تقدم النصيحه ليهم قبل ما تخرج لكن اهى خرجت و خلاص



تابعوا الفصل القادم (الخطوبه وتظابيط في الخطوبه)
الفصل الثامن عشر



(الخطوبه )




اول يوم خطوبه



سمسم:اخيرا يا حبيبتى بقينا نخرج قدام الناس من غير منخاف،اخيرا اقدر امسك ايدك قدام الناس كلها ،اخيرا الدبله بقت بتلمع في ايديكى.



سمسمه:اخيرا يا حبيبى اقدر ارفع عينى قدام اصحابى و اقول خطيبى اللى معايا مش اى حد تانى



سمسم:انا نفسى الايام تجرى و اقدر اعيش معاكى في بيت واحد.



سمسمه :امتى بقى يا حبيبى اليوم ده ييجى؟



سمسم: قريب يا حبيبتى.




سمسم و سمسمه خرجوا يتفسحوا مع بعض بمناسبة اول يوم خطوبه و طبعا مفيش اى حد معاهم؟؟
يعنى اخر حلاوه
واتكررت حكاية الخروج دى كتير و طبعا في كل موسم و في كل عيد ولازم عيد الام و عيد الاب كان صاحبنا سمسم يشترى الهدايا
و بدل ما سمسم يكون الشقه و يبنى عش الزوجيه كان لازم يتصرف حسب العادات و التقاليد و يجامل عيلة سمسمه و الا يبقى قليل الذوق


و بطبيعة الحال تطورت العلاقه بين سمسم و سمسمه و كانت الفرصه اسهل بعد الخطوبه انهم يخرجوا ببعض اصله خلاص بقى خطيبها مش اى حد تانى
(كله بقى فى السليم فى وجهه نظره )



المهم(تابعوا الفصل القادم)الخطيئه؟؟؟؟؟؟
مهو شوشو عايز يستنفع برده

الفصل التاسع عشر


(الخطيئه؟؟؟؟؟؟؟؟؟؟؟)



سمسم وسمسمه زى اى اتنين عاشوا قصة حب طويله كان فيها الحلو و الوحش
والطبيعى ان العلاقه لما تزيد عن حدها تنقلب للعكس



ااقعده الرومانتكيه و الكلام الحلو اللى في الاغانى و المناظروماما هيفا ف الكليبات شوشو فكرهم بيها كان لازم يظبط سمسم و سمسمه


وهنا طبعا المتدينين هيعبوا على اهلهم ولو سئلناهم هيقولولنا كده


ازاى تطلبوا منهم انهم يكونوا محترمين مع بعض وانتوا سايبنهم يخرجوا لوحدهم تحت رآية الثقه ازاى يقدروا يمسكوا نفسهم عن الخطيئه وكل اللى بينهم مبنى على الخطأ العلاقه من البدايه


مش كله ممكن يحصل معاه كده بس ع فكره هيه فعلا حاجه تحير


سمسم عاوز يكمل مع سمسمه بس سمسمه لبسها شويه اوفر ،محجبه لكن الحجاب الموضه(الضيق)


بتصلى بس لما تكون( فاضيه)


مبتكدبش على( سمسم) لكن ممكن تكدب على ماما و بابا



سمسم مع نفسه :انا بحبها ، بثق فيها، مبتكلمش غيرى، مبتزعلنيش، بترضينى بكل السبل، رقيقه، دمها خفيف، بمسك ايديها نفسى اكمل بقى .هومش من حقى ولا ايه؟



انا خطيبها و هتجوزها يعنى ما بضحكش عليها او عاوز استغل حبى ليها
يبقى ليه مش من حقى المسها


سمسمه مع نفسها :الواد سمسم ده روحى انا بحبه اوى بيعمل كل حاجه علشانى كل الكلام الحلو اللى بسمعه في الاغانى و الافلام بيطلع من قلبه


انا بحبه بجد !!!!!!


سمسمه قاعده قدام التليفزيون بتتفرج على فيلم رومانسى


الدش بقى وميلوتى افلام


و فجأه التليفون يرن


سمسم:وحشتينى اوى يا روحى.


سمسمه : وانت كمان انا كنت لسّه بفكر فيك.، و كان نفسى تكون قدامى دلوقتى .


سمسم:اشمعنا دلوقتى؟


سمسمه : اصل الفيلم فيه !!!! و انت عارف الباقى يا سمسم


واحنا عارفين برده هاه !!!!
سمسم رد زيينا


سمسم:!!!!!!


سمسمه :امتى بقى يا حبيبى ؟


سمسم:انا بابا و ماما مسافرين بكره علشان يكشفوا على دودى اختى ايه رأيك تجيلى بكره و نقعد مع بعض لمدة نص ساعه بس و بعدها نخرج ؟
سمسمه: والجيران؟ هيقولوا ايه؟


سمسم:عادى خطيبتى و جايه ليا علشان نخرج مع بعض فيها حاجه دى؟


سمسمه : مش عارفه


سمسم : انا خلاص مش قادر استحمل انك تكونى بعيده عنى انتى مش واثقه فيا انا خطيبك و حبيبك و ***********،قولتى ايه؟


سمسمه:انا موافقه بس **************.


سمسم:اوعدك انتى ناسيه انك اغلى حاجه عندى.


نامت سمسمه و سمسم وهما بيحلموا ببكره


وشوشو (شوشو ده الشيطان بس انا بحب ادلعه) طبعا مستنى بكره بفارغ الصبر ومذاكر ومظبط كل اموره وهما بيموتوا فى بعض وبيبرروا كل حاجه تحت الحب تصدقوا انا حبتهم ومقلق برده من بكره


يا ترى ايه اللى جاى استر يا رب

الفصل العشرون



(الشيطان)




بعد الحلم الجميل بين سمسم وسمسمه


في الصباح سافر الاب و الام والاخت الى القاهره لان دودى مريضه ميعرفوش ان سمسم مريض بس من نوع تانى


التليفون..




سمسم:انا مستنيكى يا سمسمه البيت فاضى دلوقتى


سمسمه:بلاش احسن يا سمسم انا خايفه اوى


سمسم :انتى خايفه انك هتكونى معايا؟


سمسمه:مش قاصدى انى خايفه منك ،انا خايفه ان حد من عندى يشوفنى وانا جايه عندك


سمسم: لو حد شافك من عندك قوليلهم انك كنتى عندى وان ماما كانت في البيت و انك كنتى رايحه الكليه معايا علشان اوصلك بالعربيه


سمسمه: مش لاقيه سؤال من غير جواب (اصل الشيطان بيرد مش سمسم)


سمسم:انا مش هستنى كتير لو مجيتيش انا هاعرف انك مش واثقه فيّا


سمسمه:متقولش كده انت عارف كويس انى بثق فيك اكتر من نفسى


سمسم:طب يللا بقى انا مستنى



بعد نص ساعه.............فبيت سمسم



جرس الباب يرن و يفتح سمسم الباب


لاول مره بيحس سمسم ان سمسمه اجمل من اى وقت فات شوشو هو اللى في عنيه مش سمسمه




و الشيطان كان يوسوس لهم ويسحبهم لغرفة النوم تمام زى الفيلم بتاع امبارح
بس الحمد لله لان جرس الباب رن في الوقت المناسب . وكان محصل الكهرباء عاوز يشوف العداد؟
تدخلت رحمة الله قبل ان يقع الاثنان في مصيبه هما الاتنين مش قدها



سمسمه بعد خروج المحصل


سمسمه:انت ايه اللى عملته ده؟ انت مش سمسم انت واحد تانى ازاى كنت عاوز تاخد منى اغلى ما امتلك؟


سمسم:انتى كلك ملكى انا اعز من اعز ما تمتلكى


سمسمه تسمع صوت اذان الظهر


سمسمه :لا انا مش ملكك انا ملك ربنا انا مش عاوزاك تتطلب منى اى حاجه زى دى تانى انا اسفه انى شوفت اليوم ده معاك لو عاوز تلمسنى تانى يبقى في بيتنا بعد ما نتجوز و الا انسى انك عرفتنى
و خرجت سمسمه و هى تلمم ما تبقى من كرامتها
و تركت سمسم و هو خجلان مما فعله وما كان يعتقد انه سوف يعمله



صح كده ربنا والله بيحبهم وهوا الى فوقهم من لحظه الضعف ديه

الفصل الحادى و العشرون


(ماقبل الزواج؟)



زى ما قلت قبل كده سمسم كان مضطر انّه يوفى بكل المواسم و الاعياد
وعلشان كده الخطوبه بدل ما تكون سنه بقت اتنين.(الرحمه يا ناس)
نسيت اقول ان بعد ما كان (الشيطان شاطر)



سمسمه فضلت اسبوع كامل مش قادره تتكلم مع سمسم وخجلانه من نفسها



اما اخونا سمسم بعد ما قدر يكمل كل اللى فاضل في الشقه و بدون اى مساعده من والده ( اصل بابا عاوزه يبقى راجل) بس كان بيساعده معارض التقسيط المريع (المريح)


ذادت الديون على صاحبنا و حجز القاعه في فندق ال.. على البحر.
و كان فاضل على الفرح تقريبا3 شهور....؟



المهم دار الحوار التالى بين سمسم و سمسمه



سمسم: انا اتخنقت من الاقساط دى انا مش عارف اعمل ايه و بابا رافض يساعدنى


سمسم انا مش لاقى حل و لسّه فاضل تقريبا حاجات محتاجه الفين جنيه


سمسمه: انا ممكن اساعدك بس نخلص انا اتخنقت انا كمان


سمسم:مستحيل اخد منك فلوس انتى اتجننتى.


سمسمه:حبيبى مفيش بينا فرق انا وانت واحد انتا ناسى انا مين ، انا روحك و عمرك و حياتك انا اغلى من كل حاجه و انت عندى اغلى من روحى



سمسم وافق انه ياخد من سمسمه الفلوس


اصل مفيش فرق بينهم بس حصل مفاجأة غريبه ممكن تجننى (انا اتجننت خلاص ) تابعوا الفصل الثانى و العشرون (القرار الذى ندم عليه الجميع)




لالالالا ... اوعوا دماغكم تروح لبعيد ... ده في حاجة غريبة قوي هتحصل ... بس ايه ؟


تابعوا وأنتوا هتعرفه ايه هي

الفصل الثانى و العشرون



القرار الذى ندم عليه الجميع


فجر والد سمسمه مفاجأة غريبه جدا



شوفوا اللي جاي
ابو سمسمه:ايه يا ابنى يا سمسم عملت ايه خلصت الجهاز و لا لسه فاضل حاجه؟


سمسم:الحمد لله يا عمى معتش فاضل حاجه من نحيتى.


الاب: طب يا ابنى جبت القطن علشان المراتب؟
و جبت النجف و السجاد و الموكيت و الستاير؟



سمسم:لا طبعا انا لمّا اتفقت قبل كده مع حضرتك مكنش الحاجات دى مطلوبه منى ، وانا كنت فاهم ان الحاجات دى عليكوا مش علّيا


الاب: يا ابنى احنا ساعدناك و جبنا المطبخ بالكامل وجبنا اوضه من الخمسه اللى في الشقه و كمان جبنا المكنسه و السخان ، عاوز تجننى ولا ايه؟


سمسم: انا جبت اربع غرف وتليفزيون و دش و فيديو وتكييف و حاجات تانيه كتير و جهزت الديكور على احدث مستوى


الاب:هو ده اللى عندى انا مش ناقص قرف


سمسم: الكلام يبقى بالراحه مش كده يا عمى
احنا عيله واحده


الاب:انا اتخنقت منك ، داخل خارج مع البنت كل يوم و كمان مش قادر تكمل المطلوب منك
انت ايه عيل ولا ايه؟


سمسم: انا ما اسمحلكش انك تتكلم معايا بالاسلوب ده
انا مش هقدر اكمل كلام دلوقتى شكلك غضبان وانا هتكلم مع حضرتك بكره


و بكره عدى من غير اى تطورات بس دار الحوار التالى بين سمسم وسمسمه



سمسم:عاجبك الكلام اللى قاله ابوكى ده؟


سمسمه:مش عارفه ليه بابا بيعمل كده ، ده حتى متكلمش معايا او حتى مع ماما بس عادى يا حبيبى انا لسّه فاضل معايا في الدفتر الف جنيه خدها و بعدين ربنا يحلها.


سمسم:الموضوع مش موضوع فلوس الموضوع ان والدك ما اتفقش معانا على كل ده ، و بعدين من امتى العريس بيجيب القطن و السجاد و الستاير و الحاجات دى؟


سمسمه:بصراحه الحاجات دى حسب الاتفاق.


سمسم:ابوكى على فكره بيعقد الموضوع مش اكتر شكله كده بخيل و بعدين انا حاسس انه عاوز يبعدنى و خلاص ، بصراحه ابوكى متخلف اوى.



سمسمه:ارجوك يا سمسم متغلطش في بابا انا ما اسمحلكش انك تشتمه.


سمسم: بس دى الحقيقه و بعدين انتى معايا ولا معاه.


سمسمه :انتا حاجه و بابا حاجه تانيه.


سمسم:مش فاهم ،انتى قاصدك انى اسمع كلامه و اجيب اللى طلبه منى؟


سمسمه: المفروض. و انا قلتلك انى هساعدك


سمسم:سبيها لله انا هشوف الموضوع ده.




سمسم مع ابوه و امه و اخته. سمسم:بابا ، البيت عند سمسمه طلب منى انى اجيب (كذا وكذا و كذا)
اعمل ايه معاهم؟



الاب:لا طبعا هو اتفاق عيال الحاجات دى مش من حقهم يطلبوها ، ولو وافقت تبقى اهبل.


الام: يا ابنى الاتفاق مكنش على الحاجات دى و احنا كنا سايبنها مفتوحه لان مفيش فرق بينا بس اكيد ليها حل.


دودى:اخويا حبيبى ،اللى اعرفه ان اللى يتنازل في الحاجات الصغيره يتنازل في الكبيره ، وانت اتنازلت في حاجات كتير علشان ترضى سمسمه انت جبت حاجات كتير غاليه كانت بتطلبها ام سمسمه و زنقت نفسك في الاقساط و نفذت كل اللى هما عاوزينه لمجرد انك تسهل الموضوع ، وبعدين سمسمه كانت بتساعدك و ده غلط ، كان لازم يكون ليك واقفه معاهم علشان طلباتهم متعديش المعقول ، بص يا سمسم انا هقولك على الحل



انت ترفض انك تجيب الحاجات دى و تطلب من سمسمه انها تتدخل في الموضوع و هى لو ليها شخصيه قويه و بيّنت امامهم انها مش هتقدر تسيبك علشان الحاجات الهايفه دى اكيد هيوافقوا انهم يكملوا سواء بالطلبات دى او من غيرها



سمسم عرض الموضوع على سمسمه و كلمها هو واخته و كانت النتيجه ان والد سمسمه و امها
اصّروا على موقفهم او ان الموضوع يتفشكل (بكل سهوله)



الان سمسم امام موقف صعب؟
اما ان يرضى بطلبات العائله الكريمه او انه يشترى كرامته و يضحى بسمسمه و حبهم لبعض، و يكون راجل امام نفسه و امام اسرته؟؟؟



ماذا تفعل لو كنت مكانه؟؟



سمسم و سمسمه


سمسم:انا مش عارف اعمل ايه ،انتى مش قادره تقنعيهم انى خلاص معنديش مقدره انى اشترى كل الحاجات دى ، انتى ايه معندكيش رأى في البيت؟



سمسمه:بابا مصّر على موقفه و مصمم انه ميجبش حاجه تانى و انا قولتلك انى مستعده اساعدك و نخرج من الموقف ده.



سمسم:و انا مصمم انى خلاص مش هجيب حاجه تانى ، يبقى ايه الحل؟



سمسمه:يبقى انتا عاوز تخسرنى.



سمسم: انا عاوز اشتري كرامتى و ابقى راجل قدامك و عندى كرامه انتى مش فاكره ابوكى كان بيتكلم معايا ازاى اخر مره



سمسمه:بس انت كده يبقى عاوز تنهى كل اللى احنا عملناه في خمس سنين .انت مستعد لكده؟



سمسم:انا بحبك و عاوز اكون معاكى ، بس، مش على حساب كرامتى انا و عيلتى و فنفس الوقت انا حاسس انى مش مرغوب فيّا عندك في البيت من اكتر من 3 شهور ، مش عارف ليه، و بعدين المسأله ان ابوكى عاوز يطفشنى من الاخر.



سمسمه: وانت عارف كل ده و عارف انه عاوز يبعدنى عنك و موافق انك ترضى للامر الواقع و تستسلم بكل سهوله ، انا اغلى عندك ولا كرامتك؟؟



سمسم:كرامتى من كرامتك ، انا و انتى واحد ، ولو انتى شايفه انه عادى انى اسمع لاهلك ، يبقى انتى كمان معندكيش كرامه.



انتهى الحوار



سمسمه مع ابوها




سمسمه:بابا انا مش هقدر استغنى عن سمسم ، و مفتكرش انى رخيصه عندك لدرجة ان سعادتى تقدرها بشوية طلبات هايفه زى دى؟


الاب:انتى علشان غاليه عندى انا مش عاوز يحس انك رخيصه، عاوز يحس بقيمتك.


سمسمه:و انا عارفه انى غاليه عنده.


الاب:لو كنتى غاليه مكنش فكر انه يتأخر عن اى طلب ليكى، و بعدين انا مصمم على موقفى و عرّفيه ان الحاجات دى لو مجتش في خلال اسبوع يبقى ينسى انه ممكن يدخل البيت ده تانى .



سمسم و سمسمه



سمسمه:بابا مصمم على موقفه ، و انت مصمم على موقفك و انا اللى هتظلم بينكوا


سمسم:مش عارف اقولك ايه بس انا قلت اللى عندى ، انا مش مستعد اجيب حاجه، و مش موافق انى اخد منك اى مساعده تانى ، وده قرار نهائى


سمسمه: يبقى انتا اللى اخترت انك تسيبنى ، انا كنت فاكره انى غاليه عندك.


سمسم:انتى اغلى من كل حاجه بس انا مقدرش اكون عيّل قدام نفسى و قدام اهلى و كمان انا خلاص اللى عندى قولته
بس لازم تعرفى قبل ما اقفل انى بحبك و هييجى اليوم اللى تعرفى فيه انى حبيتك من كل قلبى و سيبيها لله مين عارف ممكن تتحل من غير ما ندرى



يا ترى ايه اللى هيحصل بعد سمسم ما اخد القرار النهائى ده


تابعوا الى جاى الفصل الجاى

الفصل الثالث و العشرون


(الجواز؟؟؟؟؟؟؟)



وبعد مرور اسبوع محصلش حاجه



الاب مصمم ، سمسم مصمم ، سمسمه خلاص ابوها خلاّها تقلع الشبكه و تسلمهالوا علشان يديها لسمسم



سمسم في بيت سمسمه



الاب: خد يا ابنى الدهب بتاعك و ربنا يسهلك مع واحده تانيه.




سمسم: شكرا يا عمى ، بس في كلمه اخيره؟



سمسم: انا حبيت بنتك و شايف انى خلاص مش هقدر ادخل بيت تانى ، بنتك عندى اغلى من اى حاجه، لكن انا مقدرش اكمل في بيت رافض انه يقف جنبى و يكون رحيم، وصدقنى انا لسّه عاوزها فلو في عندك شوية رحمه و بتحب بنتك بجد ، ارجوك ارجع عن رأيك.



الاب: بنتى انا اعرف الاقيلها اللى يقدرها و يصونها ، وبكره تعرف



استنوا




سمسم قبل ما يخرج من البيت نظر في عيون سمسمه اللى و اقفه ورا الباب .




كانت نظره كلها حزن ، مكنتش فيها دموع بس كان فيها امل في بكره




استنوا ده في حاجه تانيه




سمسم قبل ما يخرج من البيت نسى ياخد حاجه من سمسمه .؟؟؟؟؟؟؟؟؟؟




عارفين سمسم نسي ياخد ايه؟؟؟؟؟؟؟؟
نسي ياخد قلبه




او تقدروا تقولوا انه سابه ليها هديه



هديه تقولها مقدرش في ليله انام من غير ما اقولها بحبها




يا ترى سمسم اخد القرار الصحيح؟



يا ترى سمسمه كانت سلبييييييييه؟



ايه ده؟




انت مش قولت ان عنوان الفصل الجواز؟




اةةةةةةةةةةةةةةةةةةةةةةةة





نسييييييييييييييييييت





بعد مرور اقل من شهر كانت خطوبة سمسمه على ؟


تفتكروا مين؟



واحد من اصحاب سمسم
ازاى؟



و سمسمه وافقت بكل سهوله؟



هو ده الحب؟



لا يا جماعه . الموضوع ان سمسمه بعد كام يوم بابا دخل عليها و قال!!!!



الاب:انتى لسه زعلانه يا بنتى؟ انا كنت عاوز اجوزك جوازه تكونى فيها ملكه ، و اديكى شفتى ان سمسم اتنازل عنك بكل سهوله



كل يوم بابا و ماما يدخلوا على سمسمه و يعملوا ليها غسيل مخ ، شويه شتيمه في سمسم وشويه في عيلته لحد .....؟؟



بعد اسبوعين اتقدم لسمسمه واحد من اياهم ؟؟؟؟


اللى بابا ( مساعده في كل حاجه)



شاب جاهز من كلّه (الشقه - العربيه - شاليه في شرم الشيخ - شبكه ب20الف - وكمان الشاليه هيبقى بأسم سمسمه)



مع بعض الضغط من والد سمسمه وبعض المغريات اقنعت سمسمه نفسها ان سمسم اتخلى عنها و ان الحل انها توافق و اكيد اللى جاى ده مش هيخليها نفسها في حاجه



و بعد خطوبه استمرت شهر و نص مقعدتش سمسمه مع العريس فيها اكتر من مرتين تلاته




كان الفرح في اكبر فنادق الاسكندريه على البحر




كان فرح حكايه كلّه سواريه و اغانى و رقص فهمين قصدي طبعاً



بس يا عينى ....سمسمه مكنتش فرحانه



بس مستسلمه للامر الواقع







تابعوا الفصل القادم( بعد الجواز )

الفصل الرابع و العشرون( بعد الجواز )
لاحظوا التالى



الفارق المادى بين عيلة سمسمه و العريس كان كبير ( لصالح العريس )الفارق الاجتماعى بين العائلتين كبير ( لصالح سمسمه )الجواز تم دون اى مراعاه لتلك الفوارق و ايضا دون النظر الى الدين ( مفيش تدين في العئلتين )

الــــــنـــتـــــيـــــجــــــه


بعد يوم ويمكن اتنين اكتشفت ام سمسمه ان بنتها لسّه عذراء يا دى الكسوف؟


سمسمه مش قادره تحب جوزها ، وفي نفس الوقت صاحبنا مش رومانسى و عاطفى زى سمسم

ده طبعا اللى في دماغ سمسمه:انا مش قادره احبه ، انا انسانه و ليّا مشاعر و احاسيس

فينك يا سمسم؟

ينهار أبيض
دي لسة بتحب سمسم يادي المصيبة


سمسمه مش قادره تتجاوب مع الوضع الجديد
و العريس حاسس ان سمسمه مش عاوزاه وان لسّه سمسم جوا قلبها


و الحل ....... فين الحل؟


سمسمه: زى ما دخلنا بالمعروف نخرج بالمعروف .

العريس: نعم يا اختى ، هو احنا لسّه دخلنا ؟
انتى فاكراها سهله ؟ انا صارف دم قلبى عليكى


سمسمه: انت فاكر نفسك اشتريتنى بفلوسك ؟


العريس:ايوه امال انتى فاكره ايه ؟ ابوكى من قبل ما حتى تسيبى خطيبك الاولانى وهو مواعد ابويا انك ليّا و قابض من ابويا 50 الف جنيه مقدم ، علشان يشترى العربيه ، انتى فاكره ان ابوكى راكب العربيه منين ؟


سمسمه فى سرّها: يا نهار انا رخيصه اوى كده والله ما انا قاعده في البيت القذر ده ثانيه واحده

سمسمه: انا سايبه البيت و الفلوس اللى دفعتها هترجعلك تانى ، انا مش بيعه و شروه انا انسانه
الفصل الخامس و العشرون

( الحصان الاسود)


في خلال الفتره التى مرت كانت دودى اخت سمسم قدرت انها تاخد سمسم من احزانه
رجّع تانى سمسم بتاع ثانوى ( المتدين )


سمسم بقى واحد تانى خالص


هو احنا كده لازم ناخد على دماغنا علشان نعقل




بس فى حاجه ؟ سمسم والله لسّه بيحب سمسمه مكنش يعرف انها مش سعيده، بس كان بيدعيلها دايما انها تكون سعيده مع اخينا

(ميعرفش اللى فيها)


نرجع تانى لسمسمه




لاول مره سمسمه تاخد قرار فيه ايجابيه؟


سمسمه صممت على الطلاق دون رجعه.


مش علشان خاطر سواد عيون سمسم (لالالالالالا)
لانها انسانه مش بضاعه (ده كده ايجابيه)


يا ترى مين الحصان الاسود؟؟؟


عارفين مين الحصان الاسود؟


من كام سنه فاتت قولتلكوا ان والد سمسم راجل جدع مش بس علشان كان عاوز سمسم يقف على رجليه و يعتمد على نفسه ( لالالالالالالالالالا)


والد سمسم عرف كل حاجه عن موضوع سمسمه
منين؟ الله اعلم ؟ الحيطان ليها ودان ؟



المهم ان والد سمسم اول ما عرف الموضوع راح على طول و حل المشكله مع اهل العريس وقدر يقنع والد سمسمه ان اللى عمله ده كان غلط في غلط و قدر فعلا انه يرجع سمسمه لبيت ابوها بعد ما اتنازلت عن كل حقوقها في سبيل الطلاق ..؟


و كان و الد سمسم في منتهى العقل و الحكمه في تصرفاته مع العريس و ابوه ومع والد سمسمه و سمسمه نفسها

( راجل جدع بجد)


اكيد يستاهل لقب الحصان الاسود


تابعوا (الترابط ؟؟؟؟؟؟؟؟)

الفصل السادس و العشرون(الترابط )

لا لسه الفصل ده لدودى السكره


بعد مرور سمسمه من التجربه الفاشله دى كانت محتاجه لحد ياخد بأيديها و يخرجها من اليأس و الشعور بالضياع


و هنا نرجع تانى للملاك اللى في القصه دى و احنا مش حاسّين بيها


الملاك ده هو القدوه اللى كانت المثل الاعلى لسمسمه في بدايه تربيه سمسم لسمسمه


الملاك بتاعنا هو اقرب الناس لسمسم دلوقتى






الملاك ده اسمه دودى (ربنا يحرسها)




دودى اول ما عرفت ان سمسمه مبتخرجش من البيت و حابسه نفسها في البيت ، و مبتكلمش حد



كان لازم ترجع دودى تاخد دور القدوه لسمسمه بس المره دى بجد

دودى اخدت بيد سمسمه و عرّفتها على الاخوات المحترمات اللى انتشلوها من حالة اليأس و عرفوها الايه دى

بسم الله الرحمن الرحيم ?قل ان كان اباؤكم وابناؤكم و اخوانكم وازواجكم و عشيرتكم و اموال اقترفتموها و تجاره تخشون كسادها و مساكن ترضونها احب اليكم من الله و رسوله وجهاد في سبيله فتربصوا حتى يأتى الله بأمره و الله لا يهدى القوم الفاسقين? صدق الله العظيم

اللهم اهدنا جميعا يا رب امين ... قوالو أمين ...

نكمل


بكده قدرت سمسمه انها تخرج من القوقعه اللى كانت فيها ودينها خفف عنها كتير


و كمان سمسم خد باله من حاجات مهمه من تدينه عرف ازاى الحب الحقيقى


تابعوا

بس خدوا بالكم لما سمسم رجع تدين شاف الى جاى ده مع نفسه

ليه مش اسأل نفسى .. ما هو مقدار حبى لله ورسوله ؟ردد في نفسه .. ما هو مقدار هذا الحب .


وهنا عرف الجاى

يحكي سيدنا عمر رضي الله عنه ويقول : كنت أمشي مع النبي ومعنا بعض أصحابه ، وأخذ رسول الله بيدي ومشى ، يقول عمر : فوجدت نفسي أقول : والله يا رسول الله إني أحبك!

بص عملت ايه لمسة حانية رقيقة بقلب إنسان، هل تستطيع فعل ذلك؟...


فقال له النبي : أكثر من ولدك يا عمر ؟ قلت: نعم ، قال: أكثر من أهلك يا عمر؟ قلت نعم، قال: أكثر من مالك يا عمر؟ قلت نعم، قال: أكثر من نفسك يا عمر؟ قال: لا

( وانظر إلى صدقه مع نفسه ومع النبي ) فقال النبي : لا يا عمر، لا يكمل إيمانك حتى أكون أحب إليك من نفسك يقول عمر: فخرجت ففكرت ثم عدت أهتف بها: والله يا رسول الله لأنت أحب إليّ من نفسي، فقال النبي : الآن يا عمر الآن . رواه البخاري والإمام احمد 5\293.


وده انعكس على الى جاى لانه حبها اكتر من نفس فعلا

وهنا الحب الحقيقى

الفصل (الثامن والعشرين)

الحب الحقيقى؟


دودى و سمسم


دودى:اخويا حبيبى ممكن نتكلم مع بعض شويه؟


سمسم: انا اللى كنت عاوزك بس انتى عاوزه ايه الاول؟

دودى :سمسمه كا.....

سمسم في ابتسامه كلها حزن: لا اله الا الله

(القلوب عند بعضها)


دودى : كنت حاسه انك كنت هتفتح الموضوع معايا بس انا عندى سؤال.... انت لسّه عاوز ترجعلها ؟ يعنى لسّه بتحبها؟


سمسم: بصراحه انتى غبيه اوى

الاول هى كلمتك؟


دودى :ممكن ترد؟


سمسم:انا بحبها المره دى بجد و اكتر من الاول طبعا

انا بحبها و اتمنالها انها تلاقى انسان يسعدها و يحافظ عليها



دودى:يعنى ايه انسان يسعدها ,انت بتحبها و مش عاوز ترجعلها ,انا مش فاهمه حاجه؟؟


سمسم: انتى هتعرفى كل حاجه بس ممكن طلب صغير؟



دودى ؟؟؟؟


سمسم: انا عاوزك تديها ميعاد علشان نتكلم انا وهى مع بعض بس فى و جودك ويا ريت يكون خارج البيت ,انا عارف انه صعب شويه انى اقعد معاها من غير وجود حد من اهلها بس دى هتكون اخر مره .


دودى و عينيها غرقانه دموع انت بتتكلم بجد, انا مش فاهمه اى حاجه؟


بس انا هدبر الميعاد ده على بكره الظهر بعد الصلاه ممكن نعدى عليك في الشغل ونخرج فى اى مكان



ايه ده انا مش فاهم حاجه
يعنى ايه الحب بالنسبه لسمسم هو اتجنن ولا ايه اللى حصل بس ؟

فين الحب الحقيقى ؟؟؟؟




يعني ايه بيحبها ومش قادرر يرجع لها....... لالالالا ...... دة أكيد أتجنن

اه اه ، بس لمّا عرفت اللى حصل عرفت ان سمسم ده هو اكتر انسان قدر يفهم الحب؟


ازاى؟؟؟؟




سمسم حب سمسمه اكتر من نفسه؟


الحب = ثقه + تفاهم + تعاون + مشاركه + احترام + غيره + عطف + حنان


الحب مش كلمه او احساس بس


الحب اكبر من كده بكتير

واشمل من كده بكتير


سمسم عرف الحب الحقيقى لمّا قرب من ربّنا

سمسم عرف ان الحب الحقيقى مش بيكمل الا اذا حبيت الانسان اللى قدامى اكتر من نفسى

فاكرين الايه ال24 من سورة التوبه

و كلام الرسول لعمرو ابن الخطاب

لن يكتمل الايمان الا اذا احبينا الله و الرسول اكتر من أنفسنا

وبما ان الحب من الايمان

اذن لن يكتمل الحب و يصبح كامل من كل جوانبه الا اذا حبيت اكتر من نفسى ... وده طبعا في المرتبه الثانيه بعد ربنا و الرسول

سمسم اخيرا قدر يحب سمسمه اكتر من نفسه


سمسم صاحبنا اتخذ القرار الاخير في القصه


عايزين تعرفوا ايه القرار ده .... نشوف المشاركة اللي جاية
الفصل قبل الاخير(انا حبيتك اكتر من نفسى )


بدون ذكر التفاصيل عن المكان و التدابير اللى بين دودى و سمسمه و اقناعها بالتواجد مع سمسم من غير وجود حد من اهل سمسمه حصل اللقاء الاخير بين سمسم و سمسمه و الملاك (دودى)



سمسم:انا اسف انى طلبت منك انك تيجى مع دودى بس اوعدك ان دى هتكون اخر مره اكون السبب فى انك تعصى الله


سمسة :وانا اسفه انى مكنتش عاوزه اجى بس صدقنى انا كان نفسى مقعش فى الغلط تانى واكدب على بابا انت عارف انى خلاص مش قادره استحمل انى ابقى عارفه الغلط و اعمله

دودى: يا جماعه خلاص سيبكوا من الموضوع ده , انا اللى هشيل كل الذنب اصل انا اللى كدبت على والدها مش سمسمه يا سمسم.


سمسم:ايه اخبارك يا سمسمه؟ انا هتكلم معاكى بدون حياء مع انى عارف ان ده مش من حقى بس اوعدك ان دى اخر مره.


سمسم و وجهه مليان ابتسامه حزينه:انتى بتحبينى ياسمسمه؟


سمسمه في خجل و هى تنظر الى دودى:انت عارف


دودى: انا مش موجوده يا سمسمه , انا لا اسمع لا ارى لا اتكلم


سمسم : انا عاوز اسمعها منك

سمسمه: ايوه بحبك


سمسم: انا لسّه بحبك بس نفسى ان الكلام اللى هقوله دلوقتى تفهميه زى ما كنتى طول عمرك بتفهمينى , ممكن؟


سمسمه : انا عمرى ما فهمتك غلط ممكن تدخل في الموضوع.


سمسم:انا مش عارف ابتدى منين يا سمسمه بس الموضوع محتاج شوية صبر


انا لما قولت يادودى انى بحب سمسمه اكتر من الاول كان قصدى ان اللى قبل كده مكنش حب قد ما كان انانيه و حب تملك لسمسمه


انا اسف انى بقول كده يا سمسمه بس دى الحقيقه

بس بعد ما سبتك واتجوزتى و حسيت انك ضعتى من ايديا و انك من غير زعل ما اتمسكتيش بيا و قدروا انهم يقنعوكى انى مش مناسب ليكى , فكرت كتير و عرفت السبب اللى خلانى انا و انت منتمسكش ببعض


السبب ان انا وانتي مكنش حبنا كامل

(ومرت الدقائق سريعه و سمسم يشرح لسمسمه المعنى الحقيقى اللى قدر يفهمه من معنى الحب و اللى شرحته قبل كده)

وجائت اللحظه المهمه و صمت يعم المكان و سمسم مش قادر ينطق
وهنا جه الوقت اللى دودى تتكلم فيه


دودى :سمسم انت قولت انك عاوز سمسمه تفهمك وانا شايفه انك لسّه مقلتش المهم ,انا ممكن اقوم و اسيبكم لوحدكوا تتفاهموا.


سمسم: انا اسف يا دودى ممكن تسيبينا وتقعدى و رانا شويه؟


دودى انسحبت من سكوت و جه المهم


سمسم:انا حبيتك اكتر من نفسى يا سمسمه ,صدقينى انا نفسى اكمل معاكى بقيت حياتى ,انا عمرى مقدر اتخيل انى ممكن الاقى في يوم انسانه تقدر تفهمنى و وتحترمنى و اثق انها تكون اوفى واطهر وارق و اصفى زوجه وام لاولادى غيرك ,انا عاوزك تثقى انى خلاص مش هقدر افتح قلبى لانسانه غيرك

وتنهد سمسم تنهيده اخرجت معها حزن شديد لم تشعر به سمسمه من قبل مع سمسم

سمسمه حبت سمسم على مدار سبع سنوات ,كان فيها العديد من التجاوزات و الايام الحلوه و المرّه و لكنها لاول مره في حياتها ترى الدموع تنزل من عيون سمسم و رغم كل ما في سمسمه من تدين الا انها و دون ان تشعر قربت من سمسم و مسحت الدموع من على خدهوسمسمه ايضا بكت من قلبها ,ان سمسمه عندما تركها سمسم المره الاولى لم تبكى و سمسم لاول مره يبكى امام احد


يا ترى ايه اللى ممكن يخلى سمسم يبكى دموع كالطفل الصغير و هو يبحث عن امه (وسمسمه من جواها بتقول والله لو مكنش حرام كنت ضميت سمسم لصدرى و لكن دودى عندما رأت الموقف ودون تردد قامت واخدت سمسم في صدرها بكت ....بكت .........بكت (فهى لم ترى من قبل اخوها يبكى منذ الطفوله


الموقف لا يستدعى للشرح فهناك ما يمنع سمسم من العوده لسمسمه الفراق اصعب لحظه و خاصة اذا كان بين اتنين عرفوا معنى الحب و حبوا بعض بجد


بصراحه انا مش عارف اقول ايه اكتر من ان الموقف ده اخد تقريبا ربع ساعه حتى تركت دودى اخوها و الحمد لله ان المكان لم يتواجد فيه احد يشعر بالموقف

(اسف لعدم ذكر المكان)


يا اخى كمّل بقى انت ايه ممل ,خلاص كفايه كده خش في اللى بعدهحاضر انا اسف انى طّولت عليكوا

بعد انتهاء الموقف و ما زالت سمسمه في عينيها الدموع اخيرا نطق سمسم


سمسم:انا اسف يا سمسمه انى اقولك انى اتمنالك السعاده مع انسان تانى ,انا مقدرش ارجعلك تانى .انا لما حبيتك بجد و قدرت احس انى فعلا مقدرش اعيش مع غيرك اكتشفت بالصدفه( دون ذكر التفاصيل التى ادت الى المعرفه)


انى عقيم


ايوه يا سمسمه انا عرفت من شهر انى عقيم



وانا مقدرش احرمك من انك تكونى ام ،مقدرش احرمك من انك تشوفى طفل يقولك ماما،انا عارف كويس اوى اد ايه انتى بتحبى الاطفال و طول عمرك بتتكلمى معايا في موضوع الاطفال ،انا اسف بس لانى حبيتك اكتر من نفسى ,فضّلت انى اسيبك على انك تتحرمى طول عمرك من الاطفال

لم تتردد اوتأخذ لحظه في التفكير في الرد

سمسمه:ازاى ييجى في دماغك انى ممكن اسيبك علشان حاجه زى دى
(و يجعل من يشاء عقيما)



انا دلوقتى فعلا اقدر اقول انى متمسكه بيك اكتر من الاول ,انا حبيتك لمّا كنت متدين و حبيتك لمّا كنت (اسفه)فاسد، و حبيتك اكتر لمّا اتجوزت غيرك وغلطت ، لكن دلوقتى انا متأكده انى مقدرش اكون لغيرك ..... صمتت سمسمه لحظة ثم قالت : اقسم بمن خلق قلبى , اقسم بمن ادخل حبك في قلبى ، اقسم بالله انى ....(اسكتها سمسم بيده)


ثم ازاحت يده واكملت وهى تبكى اكثر من الاول:اقسم بالله انى مخليش انسان يلمسنى غيرك ،اقسملك انى اعيش على حبك طول عمرى ,اذا كان حبى لله ملأ قلبى و كنت اقسمت على انى عمرى ما ارجع تانى للى كنت بأعمله قبل كده من معصيه، فأنى اقسملك انك لو سبتنى عمرى مهفكر اتجوز تانى ،اذا صممت على رأيك فأنا اشهدك انت و اختك انى اوهب نفسى للدين, سأدعوا واجاهد بالمال و الوقت والعمل وكل ما املك من قدره لله عز وجل


سمسم ارجوك وافق انى ارجعلك و الله انا ميهمنيش انى اتحرم من الاطفال احنا ممكن نكفل طفل في بيتنا و ندخل بيه الجنه ، بس استحلفك بالله متسبنيش ارجوك لو كنت حبيتنى بجد اكتر من نفسى فأنا عاوزه اكمل حياتى معاك نقضى حياتنا في خدمة الدين



سمسم كان عارف رد سمسمه و كان مجّهز الاجابه:ارجوكى انسينى انا مقدرش اكون السبب في دمعه من عيونك تنّزلّيها لما تشوفى طفل قدامك



وانا اسف مهما كان ردك ومهما كان تمسكك بيّا ,فانا اقسمت قبلك انى مكونش لغيرك وبرده مكونش ليكى ،انتى ممكن تلاقى انسان احسن منّى بكتير ، كنت اتمنى انك تفهمينى و تقدرّى الموقف و توعدينى انك زى ما حبتينى و اخلصتى في حبك ،هتحبى غيرك و تسعديه و تخلفى منّه اولاد تدخلى بيهم الجنه ،لأخر مره بقولك انك حرّه من اى وعد او قسم اقسمتيه ليّا و اتمنالك انك تفكرى تانى في الموضوع و تنسينى زى ما نسيتى المعاصى اللى كنت انا و الحب المذعوم سبب فيها.
سمسمه ارجوكى انسينى و اسعدينى بأنك تسعدى غيرى و تخلصيله انا حبيتك اكتر من نفسى



ترك سمسم سمسمه و دودى و هم يبكون


يا ترى اللى عمله سمسم صح و لا لأ ؟؟



يا ترى ممكن يرجع في كلامه ؟؟



هو اخد وعد من دودى و سمسمه ان اللى قاله سرّ بينهم و عدم ذكر الموضوع لأى حد من الاهل


تابعوا الفصل القادم ( الوعد و القسم )

مر على ذلك اليومانا حبيتك اكتر من نفسىسنه و نصف


تقدم لطلب يد سمسمه حتى الان 9 من الخطاب ,الحمد لله من الشباب المتدين اللذين رأوا في سمسمه قمة التدين والاحترام ,ولكن الرفض (للاسف)كان الرد من سمسمه

سمسمه اوفت بالوعد لم تفكر قبل ان ترفض لم تعطى لنفسها الفرصه في ان تكون لغير سمسم

اقسمت ان تكون حياتها لله واقسم ان سمسم ان يعيش لله وعلى الذكرى الخالده في قلبه لحب شاء الله ان يكون كامل من الطرفين دون اى ارتباط

حتى الان لم يرى سمسم سمسمه رغم انهم جيران ولا مره


تخيل نفسك انك لم ترى جارك لمدة سنه و نصف
ها من المعقول ذلك والله لم يراها ,والله لم ينساها,و الله لم تنساه

واخر ما كان بينهم

احلف بمن خلق قلبى سأظل احبك حتى البس الثوب الابيض تحت التراب المهلىاحلف بمن خلق جسدى ان لن يلمسه احد قبل ان تفارقه روحىاحلف بمن خلق عقلى ان لن يفكر في غيرك حتى اخر نبضه حياةاحلف بمن خلق عينى ان لن ترى غيرك حتى يغمض جفنى لموتىاحلف بالله انى احببتك اكتر من نفسى و لن احب من بعدك احد حتى نفسى



تابعوا الفصل الاخير من الجزء الاول القدر


الفصل الاخير في الجزء الاول ( القدر )



كما انتهينا بالفصل السابق بنهايه غير تقليديه

سنبدأ الحوار و الفصل الاخير ببدايه غير تقليديه


مين فينااللى يقدر يوصل للحب الكامل .؟؟؟
(الايمان الكامل)


- الهدف من القصه هو توضيح معنى كلمه الحب الكامل الحقيقى

- مين فينا يقدر يقول انا حبيت امى و ابويا او زوجتى وابنائى اكتر من نفسي؟؟؟

- مين فينا اللى قدر يوصل للايمان الكامل فى حبه لله و الرسول والجهاد اكتر من نفسه (الدرجه الاعلى)



الايه 24 من التوبه


فكروا كويس قبل ما تقولوا انكم حبيتّوا


بتقول لزميلتك في الجامعه ..........انا بحبك

بتقول لخطيبتك......................انا بحبك

بتقول لزوجتك......................انا بحبك

بتقول من قلبك ......... انا بحب الله و الرسول



قبل ما تقول انا بحب لازم تعرف ان



- الحب عطاء مش هيكون.........انانيه

- الحب ثقه مش هيكون ..........غيره زايده

- الحب عدل مش هيكون.........ظلم

- الحب سعاده مش هيكون........عذاب

- الحب كرم مش هيكون..........بخل

- الحب عطف مش هيكون...........قسوه

- الحب رجاء مش هيكون...............امر

- الحب عفه و حياء مش هيكون........معصيه

- الحب اخلاص و وفاء مش هيكون.......خيانه

- الحب امل مش هيكون ..............يأس

- الحب طهاره وروح جميله

- الحب عمل و احساس بالامن

- الحب تضحيه


الحب مش كلمه بتتقال


سمسم و سمسمه وصلوا لمعنى الحب و حسّوه و عاشوا الحب

سمسم و سمسمه اللى بينهم اقوى من انى اقدر اوصفه

سمسم و سمسمه غلطوا و تجاوزوا الحدود


بس مين فينا معصوم من الخطأ

سمسم و سمسمه وصلوا للحب الحقيقى

بس مين فينا يقدر يوصل زيهم

وصلوا متأخر اوى

لكن مين يعرف القدر مخّبى ايه ؟؟؟

سمسم.....الحبيب العاذب

سمسمه.....المطلقه العذراء

الحب اللى بينهم خالد لانه حب حقيقى

الجزء الثانى ( طلب هجره )

الفصل الاول ( انااسفه بس ممكن )



دودى خلاص اتجوزت واحد محترم جدا جدا جدا الف الف مبروك للملاك (دودى)

دودى مع جوزها وسمسم


مودى(جوز دودى) : اخبارك ايه يا سمسم؟


سمسم : الحمد لله انا كويس وانتوا اخباركم ايه؟


دودى : مفيش احسن من الجواز يا ابنى


مودى : انتا مش ناوى تعملها ؟


دودى : بلاش السيره دى يا مودى دلوقتى


مودى : انا اسف هو فى مشكله عندك يا سمسم ؟ انا ممكن اساعدك احنا بقينا اهل


سمسم : لا عادى بس انا عندى اسباب تمنعنى من الجواز بلاش نذكرها دلوقتى لانكم لسّه عرايس جداد الف مبروك ومع الف سلامه


بعد خروج سمسم من عند اخته قعدت دودى مع مودى و قالتله حالة سمسم وسمسمه بأختصار و كان موقف مودى كالتالى



مودى مع سمسم


مودى : سمسم ممكن نتكلم مع بعض شويه فى موضوعك ؟


سمسم:انا اسف بس مبحبش افتح الموضوع ده وعلى فكره انا خلاص طلبت الهجره لاستراليا وعلى وشك انها يتوافق عليها لانهم طالبين تخصصى هناك في شركه بيشتغل فيها واحد صاحبى و هو اللى بيسعى في الموضوع من هناك


بس الموضوع لسّه سر


مودى : لالالالا

اياك تفكر في الموضوع ده تانى انت معندكش قلب
والبنت الغلبانه اللى مستنيه اشاره منك علشان تكمل حياتها(حرام عليك)

سمسم : انا عملت كده علشانها و بعدين لمّا اسافر اعتقد انها هتستسلم للامر الواقع

مودى: تفتكر .... البنت اقسمت و اعتقد انها خلاص استسلمت لحبك يا ابنى اللى اعرفه ان( روميو وجولييت) مش هتتكرر تانى



سمسمه مع دودى ( الجانب الاخر)



دودى : اخبارك ايه يا حبيبتى ؟

سمسمه:الحمد لله و الجواز عامل ايه معاكى ؟

دودى : منتهى السعاده وانتى مش ناويه ؟

سمسمه : ( الدموع في عينها ) قولى لاخوكى .

هو فاكر انى ممكن انساه ولا ايه ده يبقى ميعرفش مين سمسمه .

دودى : انا اسفه بس انتى غبيه اوى , حاجه من الاتنين لازم تعمليها

تاخدى خطوه ايجابيه معاه او ترضى بالنصيب و تتجوزى و تكملى حياتك بقى

سمسمه: الموت عندى اهون من انى اتجوز غير اخوكى


طب ايه الحل يا ناس (الواد هيسافر)؟؟؟

دودى مع سمسم


دودى : اناعرفت انك مسافر الكلام ده صحيح ؟

سمسم : ايوه انتى عرفتى من مين ؟

دودى : قبل ما تسافر لازم تعمل حاجه الاول .

لازم تعرف سمسمه علشان تحلّها من وعدها (خلّى عندك دم) .

سمسم : انتى عرفتيها انا مقدرش اقعد معاها انتى عارفه كويس ليه .

دودى : انا اسفه بس ممكن انت تقعد معاها تانى , انا هعزمها عندى على الغدا وانت هتكون هنا بالصدفه و تقعد معاها وتتكلموا مع بعض

سمسم بعد تفكير عميق ( انا موافق )


تابعوا الفصل الثانى (هو مين ده؟)

الفصل الثانى(هو مين ده؟؟)


بدون ذكر تفاصيل مملّه دودى مع مودى مع سمسم مع سمسمه



مودى : مش ناوين تاكلوا انا جعان جدا .

دودى : كولى يا سمسمه انتى مكسوفه من سمسم , ممكن يقعد برّه ياكل لوحده عادى يعنى .

سمسمه : ومين اللى يفتح نفسنا على الاكل .

سمسم : قصدك يسدّها , بلاش نفاق .

سمسمه : انا مش منافقه و على العموم اتفضلوا انتوا كلوا انا في الصالون , انا شبعت .

مودى : لو خرجتى محدش هياكل فينا و بلاش لعب العيال ده .

سمسم : انا اسف يا سمسمه كنت بهزر .



بـــــعـد الاكــــــل


سمسم : انتى عامله في الحياه يا سمسمه ؟

سمسمه : يهمك تعرف ؟

سمسم : انتى اختى يا سمسمه و جارتى و اكيد يهمنى انى اعرف .

سمسمه : اختك و جارتك بس .

سمسمه : يا جدعان الواد ده معندوش دم انا ماشيه .

سمسم : انتى عارفه انى خلاص يا سمسمه شلت الموضوع ده من دماغى و يا ريت انتى كمان تنسيه .

سمسمه : لو مكناش عند اختك كنت قلعت اللى في رجلى و فوقتك من اللى انت فيه, سمسم ,انا عند وعدى ومش هتجوز غيرك انسى انى اكون لغيرك


مودى : شايفه الحب يا دودى انا هعيط يا جدعان
خلى عندك شويه رحمه يا سمسم و قوم هات ابوها و المأذون .

سمسم:انا عندى ليكى رجاء يا سمسمه و ده هيكون وصيه ليكى و ارجوكى تنفذيها .

سمسمه:انا ممكن اعمل اى حاجه الا انى اغضب ربنا .

سمسم : انا عندى ليكى عريس و عاوزك توافقى عليه, ممكن .

سمسمه : بعد اذنك يا استاذ مودى , بعد اذنك يا دودى شكرا على الغدا و انا ماشيه .

دودى : استنى يا سمسمه , سمسم ممكن تكمل كلامك .


سمسم: انا مسافر يا سمسمه و مش راجع مصر تانى و كنت عاوز اطمن عليكى مع شخص انا متأكد انك هتكونى سعيده معاه لانه فعلا انسان محترم و هيحافظ عليكى .

سمسمه : خلاص خلّصت كلامك ؟

سمسم : لا لسّه , لو عاوزه تسعدينى و فاكرالى اى حاجه حلوه عملتها معاكى و عاوزانى اسافر و انا مستريح ممكن توافقى ؟

سمسمه : اولا - انت عمرك ما عملت ليّا حاجه حلوه .
ثانيا - لو انت عاوز تستريح قبل السفر متدورش على راحتك في انك تعذبنى
ثالثا - قبل ما تدور على سعادتى اعرف هى فين , سعادتى مش هتكون مع غيرك , وانا مقدرش ابنى سعادتك على خيانه لانسان اعيش معاه و انا بفكر في واحد تانى , دى تبقى خيانه يا لى بتقول انك متدين .



سمسم : ارجوكى افهمينى , انا مقدرش اعيش معاكى واحرمك من الاطفال .

سمسمه : انا موافقه , انت مالك انت , سعادتى هتكون معاك انا عاوزاك تقتنع ان الاطفال مش اهم من انى اعيش معاك في بيت واحد .

كفايه كده حرام عليك انت ايه معندكش قلب . ازاى بتقول انك بتحبنى و في نفس الوقت بتحاول تعذبنى معاك يا اخى
انا خلاص زهقت من كل حاجه و اولها منك انت , انا خلاص مش عاوزه حاجه تانى من الدنيا غير انى ادخل بسببها الجنه , و على العموم انت حر , تسافر تقعد مش هتفرق انا اخدت القرار ومش ناويه ارجع فيه



تركت سمسمه البيت



اما دودى ومودى حاولوا انهم يقنعوا سمسم انه يرجع عن قرار السفر لكن دون جدوى بل على العكس اقنع دودى انها تحاول تقنع سمسمه انها تتجوز من العريس اللى جايبه .

تابعوا الفصل القادم(من الاخر انا موافقه)


الفصل الثالث(من الاخر انا موافقه)

دودى مع سمسمه


دودى : لحد امتى يا سمسمه هتفضلى كده مش شايفه ان الحكايه دى ملهاش غير حل واحد .

سمسمه : انا عارفه انتى عاوزه تقولى ايه واللى في دماغك ده مش هيحصل ابدا .

دودى : ممكن تفكرى بعقلك شويه و تسيبك من قلبك .

سمسمه : انا عقلى و قلبى واحد انا خلاص مش عاوزه حاجه من الدنيا غير انى اخدم دينى او ان سمسم يرجعلى تانى غير كده انا معنديش حاجه اقولها .

دودى : سمسم خلاص مسافر اما حكاية انك تخدمى دينك دى ,فمن امتى الجواز بيمنعك من انك تخدمى دينك؟

ده من اهم الحاجات اللى ممكن تخدمى بيها دينك , انك تنجبى اطفال صالحين يكونوا عون للدين الاسلامى , انتى نسيتى اهم اهداف الزواج ؟

سمسمه : بس انا مش عاوزه اخون انسان وثق فيّا بأنى اعيش معاه و انا بحب انسان تانى ؟

دودى : واذا كان التانى مش من نصيبك يبقى خلاص الحياه تقف ؟

افرضى انه مات , افرضى انه اتجوز واحده تانيه , افرضى انه خلاص بيكرهك يا شيخه ؛ هتعملى ايه ؟

انا شايفه انك كده بتعترضى على قضاء ربنا
وده في حد ذاته ممكن يكون معصيه

يعنى اللى خلق سمسم مخلقش انسان غيره مناسب ليكى ؟


ممكن طلب صغير و رجاء من اختك دودى؟

ممكن توافقى على العريس اللى جاى من طرف سمسم وتشوفي اذا كان انسان كويس ومناسب ليكى وعندك فترة الخطوبه, لو حسّيتى انك مرتاحه معاه كملى الجوازه دى و استخيرى الله وانا متأكده ان ربنا اكيد هيقف جنبك و يهديكى للطريق الصواب ....... ممكن ؟

سمسمه : سبينى افكر شويه الاول وبعد كده هرد عليكى بعد كام يوم


وبعد كام يوم كان القرار ان سمسمه قالت ( من الاخر انا موافقه )


تابعوا الفصل الرابع

الفصل الرابع(اهلا وسهلا)

بعد عدة محاولات من سمسم انّه يسافر اصل الموضوع مش سهل مع السفاره (11سبتمبر 2004 )

قدر انه ياخد الموافقه وكان ميعاد السفر يوم 25 \9\2004

اما موضوع سمسمه فكان كالتالى


- قدرت سمسمه بعد عذاب شديد انها تستسلم للامر الواقع وتوافق على الاخ\ بودى والله العظيم انسان محترم جدا جدا جدا جدا
المهم ان بودى عارف العلاقه اللى كانت بتربط سمسم وسمسمه وعارف ان سمسم مسافر ومقتنع ان العمليه ليها رواسب في نفسية سمسمه لكن هو عارف ان العمليه مسألة نصيب
المهم


لكن في حاجه مش واخدين بالكوا منها

ان سمسمه لسّه بتحب سمسم ومش قادره تنساه

والحل ان سمسم يرجعلها
انا مش قادر اقول اكتر من كده

ازاى اتنين يحبوا بعض للدرجه دى وميتجوزوش ( حكمة الله وعسى ان تكرهوا شيئا )


بس مين يقول الكلام ده لسمسم وسمسمه
( ولله في خلقه شئون )


يا ترى ايه اللى هيحصل بين سمسم وسمسمه وبودى ودودى ومودى وام سمسمه ؟؟؟؟؟؟


تابعوا الفصل القادم قرار مصيرى

الفصل الخامس

(قرار مصيري)

سمسم كان متعود انّه يروح مكان كان بيتقابل فيه مع سمسمه زمان , كان بيعتبر المكان ده هو الذكرى اللى من حقه انه يعيشها ومكنش عارف ايه اللى ممكن يحصل فيه

المهم ومن غير حرق اعصاب

بالصدفه البحته دودى ومودى راحوا نفس المكان ولقوا سمسم قاعد لوحده و قعدوا معاه

مودى:ايه يا عم سمسم قاعد لوحدك ليه؟

دودى:انا عارفه ليه اصل سمسم وسمسمه كانوا بييجوا هنا كتير اكيد سمسم بيحب ييجى هنا و يقعد لوحده .

سمسم : انتى علطول كده فاهمانى , ايه الفصاحه دى .

دودى : اختك الوحيده يا ابنى لو مكنتش افهمك من غيرى يفهمك سمسمه ؟

سمسم : ربنا يوفقكها مع بودى .

مودى : من قلبك ؟

سمسم : من كل قلبى , انا عاوزها تنسانى وتعيش مع انسان غيرى يسعدها و يحققلها اللى انا مقدرتش عليه .

دودى : يا ريتنا افتكرنا مليون جنيه .



حاجه غريبه ( دخل المكان سمسمه مع امها وابوها وبودى ؟ )


حاجه تجنن


مودى قام بسرعه وطلب من والد سمسمه انهم ييجوا يقعدوا مع المدام واخوها ( احنا اهل )

اول واحد رحب كان بودى
المهم قعد سمسم مع دودى ومودى وسمسمه وبودى وابوها وامها

ويا ريتهم ما قعدوا


طول القعده سمسمه منزلتش عينها من على سمسم
مش قادره تنسى انه مسافر


اما سمسم محاولش حتى انه يوجه لها عنيه وكل ما حد يسأله اى حاجه كان بيرد من غير ما يركز في كلامه .


لحد ماو صلنا للسؤال المهم

بودى : انت مسافر امتى يا سمسم ؟

سمسم :25 \9

بودى : اكيد خلاص ؟


سمسم : الحمد لله انا خلاص خلصت كل الورق ومش ناوى ارجع تانى ؟
قالها وهو لاول مره بيبص لسمسمه
ظهرت الدموع في عيون سمسمه وهى مش حاسّه


الموقف اتكهرب من غير لازوم


بودى : انا اسف يا جماعه عندى مشوار مهم ونسيت اعمله ممكن استأذن و انا اسف للمره التانيه .

سمسم : خدنى معاك يا بودى انا عاوز اروح لواحد صاحبى .

بودى : مينفعش انا وانت نمشى مع بعض لازم واحد فينا يستنى ؛ انا اسف يا جماعه كنت فاكر انى ممكن اسعد سمسمه بس مش قادر استحمل اكتر من كده , انا اسف يا عمى ( قلع الدبله ) الجواز قسمه ونصيب وكنت اتمنى انى اكون جوز بنتك بس افتكر ان سمسم هو انسب انسان ليها .

فين ابوها يا ناس ملوش كلمه الراجل ده

ساب بودى الجميع وهم في دهشه من موقفه بس لاول مره ياخد والد سمسمه موقف ايجابى في القصه

انتهى الصمت بكلمه من ابو سمسمه

الاب : المثل بيقول اخطب لبنتك وما تخطبش لابنك ، وانا عاوزك يا سمسم عريس لابنتى سمسمه .
موافق؟

بعد كل ده ممكن سمسم يقول ايه لواحد بيقوله انا عاوزك تتجوز بنتى

سمسمه : وانا مليش رأى يا بابا ؟

الاب : المره دى لا ملكيش رأى تانى ولو نطقتى بكلمه واحده لاانتى بنتى ولا انا اعرفك .

سمسمه : على العموم اتمنى ان سمسم يوافق مع انى حاسّه انى كده بتفرض عليه .

سمسم : انا مقدرش ارفض يا عمى وفى نفس الوقت لازم تعرف حاجه الاول قبل ما تجوزنى بنتك .

سمسمه : بابا موافق من غير ما تقول حاجه وانا موافقه ولو عاوز ترفض ارفض من غير ذكر اى اسباب .

سمسم : بس عمى من حقه يعرف انى .

سمسمه : اسكت بقولك متقولهاش , الفرح امتى يا بابا .

الاب : زى ما سمسم يقول لو حتى بكره انا موافق .

سمسم : و السفر ؟ اعمل فيه ايه ؟

سمسمه : انا مستعده اجى معاك لاخر الدنيا .

سمسم : وانا مستعد اخلص كل ورقك فى اسبوع ونسافر مع بعض ونقضى شهر العسل في استراليا .

الام(لسمسمه) : وانا معنديش استعداد ان بنتى تبعد عنى ومش موافقه ان انتوا تسافروا .

سمسمه : وانا عاوزه اسافر يا ماما مع سمسم و بصراحه انا عاوزه اكون فى اى مركز للدعوه الاسلاميه هناك . ممكن يا بابا ؟

الاب : على بركة الله .

سمسم : خلاص يبقى ان شاء الله الجواز هيكون يوم 24\9

تابعوا الفصل القادم (اشهد ان لا اله الا الله وان محمد رسول الله )

الفصل السادس ( اشهد ان لا اله الا الله وان محمد رسول الله )بعد مرور كام يوم على اخر لقاء بين ( انتوا عارفين )

سمسم وسمسمه المره دى موقعوش في اى تجاوزات زى الماضى
وكانت كل حاجه بينهم شرعيه وحلال المهم


سمسم قدر يخلص الورق بتاع سمسمه علشان تسافر معاه وعلشان يخلص الورق بسرعه كان لازم ينكتب الكتاب وبكده اتجوز سمسم سمسمه بس من غير دخله و زفاف


كان احتفال اسلامى صغير عند سمسمه في البيت حتى يحين موعد الزفاف الكبير يوم 24\9


المهم



بعد سمسم وسمسمه بقت علاقتهم خلاص شرعيه 100%

كان من حقه انه يخرج معاها لوحدهم من غير محرم وكان الحوار التانى بينهم في نفس المكان بتاعهم

سمسم : انا مش عاوزك تندمى انك اتجوزتى انسان عقيم .

سمسمه : مين اللى قال انك عقيم , الله اعلم الطب كل يوم فيه جديد وبعدين مفيش حاجه اسمها مستحيل , انت مؤمن بالله و عارف انه لو مكتوبلك انك تكون عقيم انا مش هعترض على قضاء ربنا ، وفى جميع الحالات كفايه عندى انى اعيش معاك و احّس انى زوجتك , ده عندى افضل بكتير من اى حاجه تانيه, وصدقنى انا كل اللى اتمناه انى اقدر اكون زوجه صالحه .


انا خلاص مش عاوزه حاجه تانى من الدنيا بعد ما حملت اسمك فاضل ان ربنا يرضى عنى

ممكن طلب صغير منك ؟

سمسم : انتى تأمرى وانا على الطاعه والولاء

سمسمه:ممكن ابوس ايديك ولا حرام ؟

سمسم : انا اللى هبوس ايديكى , انتى نسيتى انك مراتى .

سمسم وهو يقبّل يد سمسمه ( انا مش عارف ازاى اشكرك على انك وافقتى تتجوزينى بعد كل اللى عملته معاكى , انا اوعدك انك مش هتشوفى منى اى حاجه تضايقك وهكون معاكى وفىّ و عطوف و................ )

سمسمه : متكملش انا واثقه ان كل اللى هتقوله محفور جوه قلبى و عايشاه من زمان اوى معاك بقلبى من غير ما اكون معاك بجسمى
انا بحبك بحبك بحبك

بعد اليوم ده عاش سمسم مع سمسمه اجمل ايام
في حياته و كانت كل ايامهم فيها سعاده محدش يقدر يوصفها غير سمسم وسمسمه


تابعوا الفصل الاخير من القصه(انا راضيه عن نفسى )

الفصل الاخير

انا راضيه عن نفسى

بعد القصه الطويله دى عن قصة حب بين اتنين عاشوا الحب بجد كان لازم تكون النهايه السعيده بينهم ... بس هنا كان القدر اقوي منهم .

سمسمه وامها في طريقهم الى القاهره لشراء ملابس للسفر و المرور على اقارب والدتها

سمسمه : مش لازم نشترى حاجه من مصر اسكندريه فيها كل حاجه انا محتاجاها

الام : انا عاوزه ازور ولاد عمى بقالى كتير ما شفتهمش وانتى كمان لازم تسلمى عليهم قبل ما تسافرى وبالمره نعزمهم على الفرح بدل ما ابوكى يسافر مخصوص


فى طريق العوده من القاهره


انقلبت السياره التى يركبها سمسمه وامها وبعد الحادثه كانت سمسمه

ملقاة على جانب الطريق ووالدتها تضمها الى صدرها وسمسمه تلفظ انفاسها الاخيره قالت

( قولي لسمسم انى حبيته اكتر من نفسى وقوليله انا راضيه عنه وعن نفسى ، أشهدوا أن لا أله إلا الله وأن محمد رسول الله )


معتقدش ان في حد عنده تعليق غير ان قضاء الله
اكبر من ان حد يعترض عليه

بجد مش لاقية تعليق غير ان ارادة ربنا فوق كل شئ
وان محدش عارف بكره مخبيله ايه

يسلمووو على القصة

بصراحه انا مش عارفه اقول ايه بس قصه جامده والهايه حزين جدا جدا تصدقوا ان انا عيط

للأسف قريتها قبل كدة و عيطت عياط عليهم
سبحان الله هوة بس اللي بيبحدد
(( أنت تريد و أنا أريد و الله يفعل ما يريد ))
بس أعتقد النهاية متغيرة
أختك : سلمى
omr & salma