احلي 10 طرق علشان ترخم علي مراتك

الطريقة الأولى
الصبح وانت رايح على شغلك وهى نايمة تعمد اسقاط اى شيئ او خبط الباب
بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى
قولها مادام صحيتى حضري الفطار بقى

الطريقة الثانية
اذا كنت بتتفرج على التلفزيون وهى عايزة تغير القناة .. قالها معلش
الحلقة دى مهمة جدا واحد صحبى شافها على القناة الفضائية وقالى ان
الحلقة دى هى المسلسل كله .. ولو كنت بتتفرج على ماتش كورة
هيبقى الموضوع اسهل .. كل ما حد من اللاعبين من اى فريق يمسك الكورة قالها
معلش ثوانى بقى انا حاسس ان الكورة دى جون حتى لو كان حارس المرمى ماسك الكورة
والماتش واقف لان فى واحد مصاب

الطريقة الثالثة
اصح يوم الجمعة بهمة ونشاط وجهز الافطار لزوجتك بس متنساش انك تستخدم
15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات
لاعداد طبق بيض وسندوتش جبنة طبعا يراعى ترك اثار سمنة على الارض مع ترك التلاجة مفتوحة
وقشر البيض فى الحوض

الطريقة الرابعة

فى عيد ميلادها زينلها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة

الطريقة الخامسة

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات
واستمتع بأكل الجاتوة امامها

الطريقة السادسة
متنساش رأيك فى طبيخها لو عاملة لحمة قالها حلو اوووى الفراخ دى ..ولو طبخة بامية
.. جميلة اوى الملوخية دي ياحياتي حطة عليها اية ؟؟ ولو عملة كيكة قالها
انا بحب اشرب شاى مع البسكويت الحلو دة !!

الطريقة السابعة
لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل
عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

الطريقة الثامنة
لو الزوجة قررت مسح الارضيات فى البيت حاول انك تروح وتيجى على المناطق المبلولة
متحجج بأنك محتاج تتصل ضرورى بواحد صحبك ومرة عطشان
ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

الطريقة التاسعة
لو كانت مشغولة فى نظافة البيت او مع الاولاد وطلبت منك تغسل كوبتين
الشاى بتوع الصبح الموجودين فى الحوض ارجعلها كمان دقيقة من دخولك المطبخ
وانت ماسك كوباية من الاتنين وهى مكسورة واسألها فى براءة ارمى دى فين

الطريقة العاشرة
وانت قاعد تتفرج على التلفزيون وهى طالع عينها فى تنظيف البيت وبعد ما
تخلص وتيجى يدوبكك تقعد تستريح جنبك بصلها وقالها حبيبتى معلش ممكن
كوباية مية علشان ضهرى بيوجعنى

انا هجرب بس مش لاما نتجوز الاول
عموما انا هحفظه ونبقى نجربه بس لو اتخلعت هجرى وراك
هههههههههههههههههههههههه
تسلم يا مان

مشكووووووور ع الموضووع

gmdaaaa ya man we tslem eidk

ههههههههههههههههههه
ماشى يا محمود دا لو عمل فيا كده مستقبلا
دا انا هوريله العين الحمرا وبعيدن هوا يقدر اصلا دا انا همشيه ع العجين ما يلخبطووش

هههههههههههههههههههههههههههههههه

بس ميرسى ع النصايح اللى تنفع للمخنوقين من بعضهم بس

هههههههههههههههههههههههههههههههههههههههههه

هههههههههههههههههههههههههههه
اه منكم..........دا انتو تجيبو الضغط
:111111111112:

هههههههههههههههههههههههههههه
اه منكم..........دا انتو تجيبو الضغط
:111111111112:

:111111111112: :111111111112: :111111111112:
بجد تحفففففففففه

» ازاى تقتل مراتك من غير مالحكومه تعرف
» لعبه جامده ادخل بسرعه علشان تعرفها ( وادعولى )
» احلي النكت الصعيدي
» حصريا : ’ُ’× برنامج Windows Media Player 12 2008’ُ’×، علي احلي شباب
» حصريا : ’ُ’تامر حسني ’ُ’× واغنية ’ُ’×راجع تاني ’ُ’× علي احلي شباب